ପନ୍ତ ନା କାର୍ତ୍ତିକ କିଏ ହେବେ ଆଉଟ? ଏମିତି ହୋଇପାରେ ଭାରତର ପ୍ଲେଇଙ୍ଗ ୧୧
କନକ ବ୍ୟୁରୋ: ଆଜି ସୁପର ସଣ୍ଡେରେ ସୁପର ମ୍ୟାଚ ହେବାକୁ ଯାଉଛି । ୭ଟା ୩୦ରେ ଏସିଆ କପରେ ମୁହାଁମୁହିଁ ହେବେ ଭାରତ ଆଉ ପାକିସ୍ତାନ । ତେବେ ଏହି ମ୍ୟାଚ ଦୁବାଇ ଇଣ୍ଟର ନ୍ୟାସନାଲ ଷ୍ଟାଡିୟମରେ ଅନୁଷ୍ଠିତ ହେବ । ରୋହିତ ଶର୍ମାଙ୍କ ଅଧିନାୟକତ୍ୱରେ ଭାରତ ମୈଦାନକୁ ଓହ୍ଲାଇବ ସେହିପରି ପାକିସ୍ତାନ ଟିମର କମାଣ ସମ୍ଭାଳିଛନ୍ତି ବାବାର ଆଜମ । ତେବେ ଭାରତ ପାଇଁ ଏବେ ବଡ ଚ୍ୟାଲେଞ୍ଜ ହୋଇଛି ୱିକେଟ କିପର । ରିଷବ ପନ୍ତ ଓ ଦିନେଶ କାର୍ତ୍ତିକଙ୍କ ଭିତରେ କାହାକୁ ସୁଯୋଗ ମିଳିବ ତାକୁ ନେଇ ଚର୍ଚ୍ଚା ଲାଗି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆମେ ଭାରତର ପ୍ଲେଇଙ୍ଗ ୧୧ କଥା ଦେଖିବା ତେବେ ରୋହିତ ଶର୍ମାଙ୍କ ସହ କେଏଲ ରାହୁଲ ଓପନିଂ କରିବାକୁ ଆସିପାରନ୍ତି । ସେହିପରି ତୃତୀୟରେ କୋହଲି ଆସିପାରନ୍ତି । ଏହାପରେ ମିଡିଲ ଅର୍ଡରର ଦାୟିତ୍ୱ ସୂର୍ଯ୍ୟକୁମାର ଓ ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ରହିପାରେ । ଏହାପରେ ୱିକେଟ କିପର ଚୟନରେ ଦଳ ଦ୍ୱନ୍ଦ୍ୱରେ ରହିପାରେ । ପନ୍ତ ଓ କାର୍ତ୍ତିକଙ୍କ ମଧ୍ୟରୁ ଦଳ କାହାକୁ ଚୟନ କରୁଛି ତାହା ଉପରେ ନଜର ରହିବ ।
ଏହାପରେ ୭ ନମ୍ବରରେ ସ୍ପିନ ଅଲରାଉଣ୍ଡରରେ ରବିନ୍ଦ୍ର ଜାଡେଜାଙ୍କୁ ସୁଯୋଗ ମିଳିପାରେ । ସେହିପରି ଦ୍ୱିତୀୟ ସ୍ପିନର ଭାବେ ୟୁଜବେନ୍ଦ୍ର ଚହଲଙ୍କ ଖେଳିବା ଏକ ପ୍ରକାର ନିଶ୍ଚିତ । ଏହାସହ ରବିଚନ୍ଦ୍ରନ ଅଶ୍ୱିନୀଙ୍କୁ ମଧ୍ୟ ସୁଯୋଗ ମିଳିପାରେ । ନଚେତ ତାଙ୍କ ସ୍ଥାନରେ ଆଭେଶ ଖାନଙ୍କୁ ସ୍ଥାନ ମିଳିପାରେ । ଏହାବ୍ୟତୀତ ଭୁବନେଶ୍ୱର ଓ ଅର୍ଶଦୀପ ସିଂ ବୋଲର ଭାବେ ଚୟନ ହୋଇପାରନ୍ତି ।