ପ୍ରସିଦ୍ଧ ଫୁଟବଲ ଖେଳାଳୀଙ୍କ ଦାମୀ ପ୍ରେମିକା, ପ୍ରେମିକଙ୍କ ଠାରୁ ମାସିକ ନିଅନ୍ତି ୮୦ ଲକ୍ଷ ଟଙ୍କା ଦରମା
କନକ ବ୍ୟୁରୋ : ସାଧାରଣତ ଆପଣମାନେ ଦେଖିଥିବେ ଯେ ପ୍ରେମିକ ପ୍ରେମିକାଙ୍କ ମଧ୍ୟରେ ଉପହାର ଦିଆନିଆ ହୋଇଥାଏ । ଏହାସହ କେବେ କେବେ ଉଭୟଙ୍କ ମଧ୍ୟରୁ କେହି ଅସୁବିଧାରେ ପଡିଥିଲେ ଅର୍ଥ ଦେଣନେଣ ବି ହୋଇଥାଏ । ହେଲେ ଆଜି ଆମେ ଜଣେ ଏମିତି ପ୍ରେମିକାଙ୍କ ବାବଦରେ କହିବାକୁ ଯାଉଛୁ କି, ଯେ ପ୍ରେମ କରିବା ପାଇଁ ନିଜର ପ୍ରେମିକଙ୍କ ଠାରୁ ଦରମା ନେଇଥାନ୍ତି । ସେହି ଦରମାର ମାତ୍ରା ଏତେ ଅଧିକ ଯେ ଆପଣ ଜାଣିଲେ ଚକିତ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ଆପଣ ଜାଣିଥିବେ ଯେ ଫୁଟବଲ ଖେଳାଳୀ କ୍ରିଷ୍ଟିଆନୋ ରୋନାଲ୍ଡୋ ବିଶ୍ୱର ହାତ ଗଣତି ଧନୀ ଖେଳାଳୀଙ୍କ ମଧ୍ୟରେ ଅନ୍ୟତମ । ଖେଳ ବ୍ୟତୀତ ନିଜର ବ୍ୟକ୍ତିଗତ ଜୀବନଶୈଳୀକୁ ନେଇ ସେ ସର୍ବଦା ଚର୍ଚ୍ଚାରେ ଥାନ୍ତି । ଏହି କ୍ରମରେ ଏବେ ସେ ନିଜର ପ୍ରେମିକା ଜର୍ଜିନା ରୋଡ୍ରିଗୋଜେଙ୍କୁ ନେଇ ପୁଣିଥରେ ଚର୍ଚ୍ଚାକୁ ଆସିଛନ୍ତି । ଅର୍ନ୍ତରାଷ୍ଟ୍ରୀୟ ଗଣମାଧ୍ୟମର ଏକ ରିପୋର୍ଟ ମୁତାବକ ରୋନାଲ୍ଡୋ ନିଜର ଗାର୍ଲଫ୍ରେଣ୍ଡ ଜର୍ଜିନା ରୋଡ୍ରିଗୋଜେଙ୍କୁ ମାସିକ ଖର୍ଚ୍ଚ ବାବଦରେ ୮୦ ଲକ୍ଷ ଟଙ୍କା ପ୍ରଦାନ କରିଥାନ୍ତି । ଏହାକୁ ଏକ ବ୍ରିଟିଶ ଗଣମାଧ୍ୟମ ଦରମା ବୋଲି କହିଛି ।
କେବଳ ଏତିକି ନୁହେଁ ଏହା ପୂର୍ବରୁ ରୋନାଲ୍ଡୋ ତାଙ୍କ ଗାର୍ଲଫ୍ରେଣ୍ଡ ଜର୍ଜିନା ରୋଡ୍ରିଗୋଜେଙ୍କୁ ଦେଢ କୋଟି ଟଙ୍କାର ଏକ କାର ବି ଉପହାର ଦେଇଥିଲେ । ଉଭୟ ରୋନାଲ୍ଡୋ ଓ ଜର୍ଜିନା ରୋଡ୍ରିଗୋଜେଙ୍କୁ ବିଳାଶପୂର୍ଣ୍ଣ ଜୀବନ ଯାପନ କରିଥାନ୍ତି । ଯାହାର ପ୍ରମାଣ ଉଭୟଙ୍କ ସୋସିଆଲ ମିଡିଆରୁ ଜଣାପଡେ । ଜର୍ଜିନା ଓ ରୋନାଲ୍ଡୋ ୨୦୧୭ ମସିହାରୁ ଏକାସାଥିରେ ରହୁଛନ୍ତି ।
କହିରଖୁ କି ଜର୍ଜିନା ପେଶାରେ ଜଣେ ମଡେଲ । ସେ ଅନେକ ବଡ ବଡ କମ୍ପାନୀ ପାଇଁ ବିଜ୍ଞାପନ କରିଛନ୍ତି । ଇନଷ୍ଟାଗ୍ରାମରେ ତାଙ୍କର ୩୬ ମିଲିୟନରୁ ଅଧିକ ଫଲୋର୍ସ ଅଛନ୍ତି । ଏବେ ଏବେ ଜର୍ଜିନାଙ୍କ ଉପରେ ବି ଏକ ପ୍ରାମାଣିକ ଚଳଚିତ୍ର ‘ଆଇ ଆମ ଜର୍ଜିନା’ ତାଙ୍କ ଜୀବନର ପ୍ରତିଟି ସଂଘର୍ଷକୁ ନେଇ ରିଲିଜ ହୋଇଛି ।