କନକ ବ୍ୟୁରୋ : ବିଜେପି ଓ ଜେଡିୟୁ ମଧ୍ୟରେ ମାସଟି ଧରି ବିବାଦ ପରେ ଏହାର ଅନ୍ତ ଘଟିବାକୁ ଯାଉଛି । କାରଣ ବିଜେପି ସହ ମେଣ୍ଟ ରହିବ କି ନାହିଁ ସେନେଇ ଆଜି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ନିଷ୍ପତ୍ତି ନେଇପାରନ୍ତି । ଆଜି ନୀତୀଶ ଦଳର ସମସ୍ତ ବିଧାୟକ ଏବଂ ସାଂସଦମାନଙ୍କର ବୈଠକ ଡକାଇଛନ୍ତି । ଏପଟେ ବିହାରରେ ବିରୋଧୀ ଆସନରେ ଥିବା ମହାଗଠବନ୍ଧନ ଲାଲୁ ପ୍ରସାଦ ଯାଦବଙ୍କ ଆରଜେଡି ଏବଂ କଂଗ୍ରେସ ପୃଥକ ପୃଥମ ଦଳୀୟ ବୈଠକ ଡକାଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆରଜେଡି ଏବଂ କଂଗ୍ରେସ ତରଫରୁ ସମର୍ଥନ ନେଇ ଗ୍ରୀନ୍ ସିଗନାଲ ମିଳେ ତେବେ ନୀତୀଶ କୁମାର ବିଜେପି ସହ ସମ୍ପର୍କ ତୁଟାଇବାକୁ ପଛାଇବେ ନାହିଁ ବୋଲି କୁହାଯାଉଛି । ଏହାରି ଭିତରେ ଗୃହମନ୍ତ୍ରୀ ତଥା ବିଜେପିର ରାଜନୀତି ରଣନିତିକାର ଅମିତ ଶାହା ନୀତୀଶ କୁମାରଙ୍କ ସହ କଥା ହୋଇଛନ୍ତି । ବିଜେପି ସହ ମେଣ୍ଟ ଭାଙ୍ଗିବା ନେଇ ନୀତୀଶ କୁମାର କୌଣସି ନିଷ୍ପତ୍ତି ନେବା ପୂର୍ବରୁ ବିହାରର ବିଜେପି ନେତାମାନଙ୍କୁ ଏହା ଉପରେ ମନ୍ତବ୍ୟ ଦେବାକୁ ବାରଣ କରାଯାଇଛି ।
ଏପଟେ ଜେଡିୟୁ ତଥା ବିହାରର ବିରୋଧୀ ଦଳ ନେତା ତେଜସ୍ୱୀ ଯାଦବ କହିଛନ୍ତି, ଯଦି ଜେଡିୟୁ ବିଜେପି ସହ ମେଂଟ ଭାଙ୍ଗେ, ତେବେ ସେମାନେ ସମର୍ଥନ ଦେବାକୁ ରାଜି ଅଛନ୍ତି । ବହୁ ବାଦ ବିବାଦ ସତ୍ୱେ ବିଗତ ୨୦ ଧରି ବିଜେପି ଏବଂ ଜେଡିୟୁ ମେଣ୍ଟ ସରକାରରେ ରହିଛି । ତେବେ ନିତିଶ ବିଜେପି ଛାଡିବା ପଛରେ ତିନିଟି ପ୍ରମୁଖ କାରଣ ରହିଛି । ଲାଲୁଙ୍କ ପୁଅ ତେଜସ୍ୱୀ ନୀତୀଶ କୁମାରଙ୍କ ସହ ମିଶିବାକୁ ସମର୍ଥନ ଜଣାଇଛନ୍ତି । ଯିଏ ବିହାରରେ ସର୍ବାଧିକ ଆସନରେ ଅଛି ।
ମହାରାଷ୍ଟ ଭଳି ଅବସ୍ଥା ହେବାକୁ ନେଇ ନୀତୀଶ ଭୟଭୀତ ଅଛନ୍ତି । କାରଣ ଏକନାଥ ସିନ୍ଦେଙ୍କ ପରି ଆରସିପି ସିଂ ଦଳରେ ବିଦ୍ରୋହ କରିବାର ଆଶଙ୍କା ରହିଛି । ୨୦୨୪ ନିର୍ବାଚନରେ ମିଳିତ ବିରୋଧୀ ଦଳର ପ୍ରଧାନମନ୍ତ୍ରୀ ପ୍ରାର୍ଥୀ ହେବାକୁ ଇଛା ଅଛି । ଯାହା ବିଜେପି ସହ ରହିଲେ ସମ୍ଭବ ନୁହେଁ ବୋଲି ନୀତୀଶ ଜାଣିସାରିଛନ୍ତି । ବିହାରରେ ମୋଟ ୨୪୪ ଆସନ ମଧ୍ୟରୁ ବିଜେପି ୭୭ ଟି ଆସନ ପାଇଥିବା ବେଳେ ଆରଜେଡି-୭୯, ଜେଡିୟୁ-୪୫ ଆସନ ପାଇଛି ।
କ’ଣ ଚାହୁଁଛନ୍ତି ନୀତୀଶ ?
– ଅଂଶୀଦାର ବିଜେପି ଦ୍ୱାରା ଚାପରେ ରହୁଥିବା ଅନୁଭବ କରୁଛନ୍ତି ନୀତୀଶ
– ନୀତୀଶ ଭାବୁଛନ୍ତି ବିଜେପି ତାଙ୍କୁ ଅଧିକ ଦିନ ମୁଖ୍ୟମନ୍ତ୍ରୀ ଗାଦରେ ରହିବାକୁ ଦେବନି
– ବିଜେପି କେବେ ନିଜ ଆଡୁ ନୀତୀଶ କୁମାରଙ୍କୁ ଛାଡିବାକୁ ଚାହିଁବନି
– ନୀତୀଶଙ୍କୁ ଛାଡି ନିର୍ବାଚନକୁ ଗଲେ ଭୁଲ ସାମାଜିକ ଓ ରାଜନୈତିକ ବାର୍ତା ଦେବ
– ନିକଟରେ ଜେଡିୟୁରୁ ଇସ୍ତଫା ଦେଇଛନ୍ତି ବରିଷ୍ଠ ନେତା ଆରସିପି ସିଂହ
– ସେ ଜେଡିୟୁରୁ ମୋଦୀ ସରକାରରେ ଏକମାତ୍ର କ୍ୟାବିନେଟ୍ ମନ୍ତ୍ରୀ ଥିଲେ
– ଇସ୍ତଫା ଦେବା ପରେ ନୀତୀଶ କୁମାରଙ୍କ ଉପରେ ବର୍ଷିଥିଲେ ଆରସିପି ସିଂହ
– ଜେଡିୟୁକୁ ବୁଡିଲା ଜାହାଜ ବୋଲି କହିଥିଲେ ଆରସିପି ସିଂହ
– ନିକଟରେ ସୋନିଆ ଗାନ୍ଧୀଙ୍କ ସହ ଫୋନ୍ରେ କଥା ହୋଇଛନ୍ତି ନୀତୀଶ
– କଂଗ୍ରେସ, ଆରଜେଡି ଓ ବାମଦଳ ସହ ମେଣ୍ଟ କରିବା ସମ୍ଭାବନା ଉଜ୍ଜ୍ୱଳ
– ବିରୋଧୀ ଦଳ ଗୁଡ଼ିକ ଜେଡିୟୁ ସହ ମେଣ୍ଟ କରିବା ଛଡ଼ା ବିକଳ୍ପ ନାହିଁ