କନକ ବ୍ୟୁରୋ: ଅଗଷ୍ଟ ୧୧ରେ ରିଲିଜ ହେବାକୁ ଯାଉଛି ଅଭିନେତା ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ରକ୍ଷାବନ୍ଧନ’ । ହେଲେ ଏହା ପୂର୍ବରୁ ତାଙ୍କୁ ଅପ୍ରୀତିକର ପରିସ୍ଥିତିର ସାମ୍ନା କରିବାକୁ ପଡିଛି । ଏଥିରେ ଭାଇ ଭଉଣୀଙ୍କ ଅତୁଟ ବନ୍ଧନକୁ ଅତି ସୁନ୍ଦର ଭାବେ ପ୍ରତିଫଳିତ କରାଯାଇଥିବାବେଳେ ଏହା ବିରୋଧରେ ଟ୍ୱିଟରରେ ‘ବୟକଟ୍ ରକ୍ଷାବନ୍ଧନ’ ଟ୍ରେଣ୍ଡ ହେଉଛି । ଏହାକୁ ନେଇ ୟୁଜର୍ସଙ୍କୁ ଏପରି ନକରିବାକୁ ଅନୁରୋଧ କରିଛନ୍ତି ଅକ୍ଷୟ ।
Kanak News is now on WhatsApp
Join and get latest news updates delivered to you via WhatsApp
ଅକ୍ଷୟ କହିଛନ୍ତି ଯେ, ‘ଆମ ଦେଶରେ ସୋସିଆଲ ମିଡିଆରେ ନିଜ ଭାବନାକୁ ପ୍ରକାଶ କରିବାର ଯଥେଷ୍ଟ ସ୍ୱାଧୀନତା ଥିଲେ ବି କିଛି ଲୋକ ଏହାର ଅପବ୍ୟବହାର କରୁଛନ୍ତି, ଯାହା କେବେବି ଗ୍ରହଣୀୟ ନୁହେଁ । କାରଣ ସେ କପଡା ଇଣ୍ଡଷ୍ଟ୍ରି ହେଉ ବା ଫିଲ୍ମ ଇଣ୍ଡଷ୍ଟ୍ରି ହେଉ ସମସ୍ତେ ଦେଶକୁ ଆର୍ଥିକ ଭାବେ ସଶକ୍ତ କରିବାକୁ ଯୋଗଦାନ କରୁଛନ୍ତି । ହେଲେ କିଛି କାରଣ ନଥାଇ ‘ରକ୍ଷାବନ୍ଧନ’ ମୁଭିକୁ ଟ୍ୱିଟରରେ ବୟକଟ୍ ଟ୍ରେଣ୍ଡ କରିବା ଅନୁଚିତ୍ । ଆମେ ପରୋକ୍ଷରେ ଦେଶର ଉନ୍ନତି ପାଇଁ କାମ କରୁଛୁ । କିନ୍ତୁ କିଛି ଲୋକ ଅପପ୍ରଚାର କରି ଏଥିରେ ବାଧକ ହେବା ଉଚିତ ନୁହେଁ’ । ଏପରି ଉତ୍ତର ରଖିବା ସହ ତାଙ୍କ ମୁଭିକୁ ନେଇ ଏପରି ଟ୍ରେଣ୍ଡ ନକରିବାକୁ ଅନୁରୋଧ କରିଛନ୍ତି ।