‘୬ ମାସ ମଧ୍ୟରେ ଜନସାଧାରଣଙ୍କୁ ଦରବୃଦ୍ଧିରୁ ମିଳିବ ଆଶ୍ୱସ୍ତି’: ଏପରି କହିଲେ ଆରବିଆଇ ଗଭର୍ଣ୍ଣର
କନକ ବ୍ୟୁରୋ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ, ଆସନ୍ତା ୬ ମାସ ମଧ୍ୟରେ ଲୋକଙ୍କୁ ଦରବୃଦ୍ଧି ସମସ୍ୟାରୁ ମିଳିବ ଆଶ୍ୱସ୍ତି । କେନ୍ଦ୍ରୀୟ ବ୍ୟାଙ୍କ ଦରବୃଦ୍ଧି ଉପରେ ନିୟନ୍ତ୍ରଣ କରିବା ପଇଁ ସବୁ ପ୍ରୟାସ ଜାରି ରଖିବ । ଏହାଦ୍ୱାରା ଦେଶରେ ମଜବୁତ ଓ ସ୍ଥାୟୀ ବୃଦ୍ଧି ହାସଲ ହୋଇପାରିବ । ଅଭିବୃଦ୍ଧିକୁ ନେଇ ଭଲ ସଙ୍କେତ ମିଳୁଥିବା କହିଛନ୍ତି ଶକ୍ତିକାନ୍ତ ।
Kanak News is now on WhatsApp
Join and get latest news updates delivered to you via WhatsApp
କୌଟିଲ୍ୟ ଅର୍ଥନୀତିକ ସମ୍ମିଳନୀରେ ଉଦଘାଟନୀ ସମାରୋହରେ ଉଦବୋଧନ ଦେବା ବେଳେ ଆରବିଆଇ ଗଭର୍ଣ୍ଣର କହିଛନ୍ତି ଯେ, ଦେଶର ଅର୍ଥନୀତିକ ପ୍ରତିଷ୍ଠାନଗୁଡିକ ଉପରେ ମୁଦ୍ରାସ୍ଫୀତି ଜନସାଧାରଣଙ୍କ ଆତ୍ମବିଶ୍ୱାସର ଏକ ମାପକ । ଗଭର୍ଣ୍ଣର କହିଛନ୍ତି ଯେ, ବର୍ତ୍ତମାନ ଯୋଗାଣ ପରିସ୍ଥିତି ଅନୁକୂଳ ଦେଖାଯାଉଛି । ଅନୁମାନ କରାଯାଉଛି ଯେ, ୨୦୨୨-୨୩ ର ଦ୍ୱିତୀୟାର୍ଦ୍ଧରେ ମୁଦ୍ରାସ୍ପୀତି ଧୀରେ ଧୀରେ ହ୍ରାସ ହୋଇପାରେ ।