କନକ ବ୍ୟୁରୋ : ପାଣିରେ ପାଚିଲା କ୍ଷେତ୍ର ଭାସୁଥିବା ଦେଖି ଚାଷୀ ଆଖିରେ ଲୁହ । ବାତ୍ୟା ଜୱାଦ ଯିବାର ୧୫ ଦିନ ହେଲାଣି ହେଲେ ଏବେ ବି ପାଚିଲା ଧାନ ବିଲରେ ଲହଡି ଭାଙ୍ଗୁଛି । ଜମି ଆଣ୍ଠୁଏ ଉଚ୍ଚର ବର୍ଷା ପାଣିରେ ବୁଡିରହିଛି । ଚାଷୀ ତାର ବର୍ଷକର ଆହରକୁ ପାଣିରୁ ଛାଣି ରାସ୍ତା ଉପରେ ସୁଖେଇବାରେ ଲାଗିପଡିଛି । କିଏ ଭାତ ଛଣାରେ ପାଣିରୁ ସାଉଁଟୁଛି ଆଣୁଛି ତା ହାତରେ ।
Kanak News is now on WhatsApp
Join and get latest news updates delivered to you via WhatsApp
ଆଖିରେ ଆଖିଏ ଲୁହ ଆଉ ଛାତିରେ କୋହକୁ ଚାପି ଧରି ଉଜୁଡା ଫସଲରୁ ମୁଠାଏ ଦାନ ପାଇଁ ରାତିଦିନ ଏକ କରି ବିଲ ସାଉଁଟୁଛି ଚାଷୀ । ଏଭିଳି ବିକଳ ଚିତ୍ର ଆସିଛି କଟକ ଜିଲ୍ଲା ନିଆଳି ବ୍ଲକ କପାସି ପଂଚାୟତରୁ । ସେପଟେ ଏପର୍ଯ୍ୟନ୍ତ ସରକାରୀ ବାବୁଙ୍କର କ୍ଷୟକ୍ଷତି ଆକଳନ ପାଇଁ ପହଂଚି ନଥିବାରୁ କାହାକୁ ଗୁହାରୀ କରିବ ସେନେଇ ଚିନ୍ତାରେ ଭାଙ୍ଗି ପଡିଛି ଚାଷୀ । ଧାର କରଜ କରିଥିବା ଚାଷୀ, ଏବେ ଋଣ କିପରି ସୁଝିବ ସେନଇ ଚିନ୍ତାରେ ପଡିଛି ।