କେନ୍ଦ୍ରର ଅଗ୍ନିପଥ ଯୋଜନାକୁ ନେଇ ଉଠିଲା ପ୍ରଶ୍ନ: ବିହାର ରାଜରାସ୍ତାରେ ଅଗ୍ନିପଥ ସ୍କିମକୁ ନେଇ ଜୋରଦାର ବିକ୍ଷୋଭ
କନକ ବ୍ୟୁରୋ: ସେନାରେ ଭର୍ତି ପାଇଁ କେନ୍ଦ୍ର ସରକାରଙ୍କ ନୂଆ ସ୍କିମ ଅଗ୍ନିପଥକୁ ନେଇ ତର୍କବିର୍ତକ ଆରମ୍ଭ ହୋଇଛି । ବିଭିନ୍ନ ରାଜନୈତିକ ଦଳ ଏନେଇ ସରକାରଙ୍କୁ ସମାଲୋଚନା କରିଛନ୍ତି । ସରକାରଙ୍କ ଏହି ପଦକ୍ଷେପ ସେନାର ଦକ୍ଷତା ଓ ନିପୁଣତା ଉପରେ ପ୍ରଶ୍ନବାଚୀ ସୃଷ୍ଟି କରୁଛି ବୋଲି କଂଗ୍ରେସ ଏବଂ ଅନ୍ୟାନ୍ୟ ରାଜନୈତିକ ଦଳ କହିଛନ୍ତି । ଅନ୍ୟପଟେ ଅଗ୍ନିପଥ ସ୍କିମକୁ ବିରୋଧ କରି ପୂର୍ବତନ ସେନା ଅଧିକାରୀ କହିଛନ୍ତି ସେନାରେ ଏଭଳି ପ୍ରକିୟାରେ ନିଯୁକ୍ତି କରିବା ଅନୁଚିତ । ସରକାର ଅର୍ଥ ବଂଚାଇବା ଉଦ୍ଦେଶ୍ୟ ରଖି ଏଭଳି ସ୍କିମ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ରାଜନୈତିକ ଦଳ କିମ୍ବା ପୂର୍ବତନ ସେନା ଅଧିକାରୀ ନୁହେଁ ବିହାରର ଯୁବଗୋଷ୍ଠୀ ମଧ୍ୟ ଅଗ୍ନିପଥ ସ୍କିମକୁ ବିରୋଧ କରି ରାଜରାସ୍ତାରେ ଜୋରଦାର ବିକ୍ଷୋଭ କରିଛନ୍ତି । ଯୁବଗୋଷ୍ଠୀ ରାସ୍ତାକୁ ଓହ୍ଲାଇ ବଡ ଧରଣର ବିକ୍ଷୋଭ କରି ପ୍ରତିବାଦ କରିଛନ୍ତି । ମଙ୍ଗଳବାର କେନ୍ଦ୍ର ସରକାର ଅଗ୍ନିପଥ ସ୍କିମର ଶୁଭାରମ୍ଭ କରିଛନ୍ତି । ଯେଉଁଥିରେ ୧୭ରୁ ୨୧ ବୟସର ଉଭୟ ମହିଳା ଓ ପୁୁରୁଷ ସେନାରେ ୪ବର୍ଷ ପାଇଁ ଯୋଗ ଦେଇପାରିବେ । ସେମାନଙ୍କ ପାଇଁ ମାସିକ ଦରମା ୪୦ ହଜାର ରଖାଯାଇ ଥିବା ବେଳେ ୪୮ଲକ୍ଷର ବୀମା ରାଶି ବି ରହିଛି ।