ନୁପୂର ଶର୍ମାଙ୍କୁ ସୁପ୍ରିମକୋର୍ଟ ଦେଲେ ବଡ ଆଶ୍ୱସ୍ତି, ଏବେ ସମସ୍ତ ମାମଲାର ଶୁଣାଣି ଦିଲ୍ଲୀରେ ହେବ
କନକ ବ୍ୟୁରୋ : ବିଜେପିରୁ ନିଲମ୍ବିତ ପ୍ରବକ୍ତା ନୁପୂର ଶର୍ମାଙ୍କୁ ସୁପ୍ରିମକୋର୍ଟ ବଡ ଆଶ୍ୱସ୍ତି ଦେଇଛନ୍ତି । ନୁପୂରଙ୍କ ବିରୋଧରେ ଭିନ୍ନ ଭିନ୍ନ ରାଜ୍ୟରେ ହୋଇଥିବା ମାମଲାକୁ ଦିଲ୍ଲୀ ଟ୍ରାନ୍ସଫର କରିବାକୁ ଅନୁମତି ଦେଇଛନ୍ତି ସୁପ୍ରିମକୋର୍ଟ । ଏହାପୂର୍ବରୁ ଜୁଲାଇ ୯ ତାରିଖରେ ଜଷ୍ଟିସ ସୂର୍ଯ୍ୟକାନ୍ତ ଓ ଜମଶେଦ ପାରଡିବାଲାଙ୍କ ବେଞ୍ଚ ପେଗାମ୍ବର ମହମ୍ମଦଙ୍କ ଉପରେ ଦେଇଥିବା ବିବାଦୀୟ ଟିପ୍ପଣୀ ମାମଲାରେ ନୁପୂର ଶର୍ମାଙ୍କ ଗିରଫଦାରୀ ଉପରେ ରୋକ ଲାଗଇଥିଲେ । ଏହାସହ ନୁପୂର ଶର୍ମାଙ୍କ ବିରୋଧରେ ୮ଟି ରାଜ୍ୟରେ ହୋଇଥିବା ଅଭିଯୋଗକୁ ଦିଲ୍ଲୀ ଟ୍ରାନ୍ସଫର କରିବାକୁ ନୋଟିସ ଜାରି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସୁପ୍ରିମକୋର୍ଟରେ ଶୁଣାଣି ବେଳେ ନୁପୂର ଶର୍ମାଙ୍କ ଓକିଲ ମନିନ୍ଦର ସିଂ କହିଥିଲେ କି ଅନେକ ପକ୍ଷଙ୍କର କୌଣସି ପ୍ରତିକ୍ରିୟା ଆସିନାହିଁ ଓ ପଶ୍ଚିମବଙ୍ଗରୁ ଆମରକୁ ବାରମ୍ବାର ନୋଟିସ ଆସୁଛି । ଏହା ଉପରେ ଜଷ୍ଟିସ ସୂର୍ଯ୍ୟକାନ୍ତ କହିଥିଷଲ ଯେ ଆମେ ଦଣ୍ଡାତ୍ମକ କାର୍ଯ୍ୟାନୁଷ୍ଠାନ ଉପରେ ରୋକ ଲଗାଇଛୁ । ଏହାପରେ ମନିନ୍ଦର ସିଂ ସମସ୍ତ ମାମଲାକୁ ଦିଲ୍ଲୀ ସ୍ଥାନାନ୍ତର କରିବା ଉପରେ ଜୋର ଦେଇଥିଲେ ।