କନକ ବ୍ୟୁରୋ : ରାଜ୍ୟରେ ଘରୋଇ ବସ୍ ମାଲିକ ସଂଘର ଡାକରାରେ ଆଜି ବାଲେଶ୍ୱରକୁ ଛାଡି ଅନ୍ୟ ସବୁ ଜିଲ୍ଲାରେ ବସ୍ ଚଳାଚଳ ବନ୍ଦ ରହିଛି । ଲୋକମାନେ ଯିବା ଆସିବା ପାଇଁ ନାହିଁ ନଥିବାର ଅସୁବିଧାରେ ସମ୍ମୁଖୀନ ହେଉଛନ୍ତି । ଏହାକୁ ନଜରରେ ରଖି ପରିବହନ ମନ୍ତ୍ରୀ ଓ ବସ୍ ମାଲିକ ସଂଘ ଭିତରେ ଧର୍ମଘଟ ସ୍ଥଗିତ ରଖିବାକୁ ଆଲୋଚନା ଆରମ୍ଭ ହୋଇଛି । ଏହି ଆଲୋଚନାରେ ବସ୍ ମାଲିକ ସଂଘାର କର୍ମକର୍ତ୍ତା ଓ ପରିବହନ ମନ୍ତ୍ରୀ ଉପସ୍ଥିିତ ରହିଛନ୍ତି । ଏହା ସହ ପରିବହନ ଅଧିକାରୀ ଓ ବରିଷ୍ଠ ଅଧିକାରୀମାନେ ମଧ୍ୟ ବୈଠକରେ ଉପସ୍ଥିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବସ୍ ମାଲିକ ସଂଘ ଯେଉଁ ଦାବି ରଖିଛି ତା ଉପରେ ବିଚାର କରିବାକୁ ପରିବହନ ମନ୍ତ୍ରୀ ଟୁକୁନି ସାହୁ ପ୍ରତିଶ୍ରୁତି ଦେଇଥିଲେ । ହେଲେ ଘରୋଇ ବସ୍ ମାଲିକ ସଂଘ ଲିଖିତ ପ୍ରତିଶ୍ରୁତି ଦାବି କରିଛନ୍ତି । ଏହାସହ ଘରୋଇ ବସ୍ ମାଲିକମାନେ ରାଜ୍ୟ ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ‘ଲକ୍ଷ୍ମୀ ବସ୍’ ଯୋଜନାକୁ ବିରୋଧ କରି ଏହି ଧର୍ମଘଟ ଚଳାଇଛନ୍ତି ।