ପୁଣି ଜନନୀ ଯନ୍ତ୍ରଣାର ନଗ୍ନ ଚିତ୍ର ! ଆମ୍ବୁଲାନ୍ସ ଆସିବାକୁ ଗାଁକୁ ରାସ୍ତା ନଥିବାରୁ ଖଟିଆରେ ବୁହାହେଲେ ପ୍ରସୂତି
କନକ ବ୍ୟୁରୋ : ପୁଣି ଜନନୀ ଯନ୍ତ୍ରଣାର ନଗ୍ନ ଚିତ୍ର । ରାସ୍ତା ନଥିବାରୁ ଖଟିଆରେ ବୁହା ହେଲେ ଗର୍ଭବତୀ । କଳାହାଣ୍ଡି ଲାଞ୍ଜିଗଡ଼ ବ୍ଲକ ଲିଟିବଣ୍ଡେଲ ଗାଁରେ ଜଣେ ପ୍ରସୂତି ଗର୍ଭ ଯନ୍ତ୍ରଣାରେ ଛଟପଟ ହେଉଥିବା ବେଳେ ଆଶାକର୍ମୀଙ୍କୁ ଖବର ଦିଆଯାଇଥିଲା । କିନ୍ତୁ ଆଶାକର୍ମୀ ଆସିନଥିଲେ । ଫଳରେ ଗାଁକୁ ଆସିବାକୁ ଆମ୍ବୁଲାନ୍ସ ନଥିବାରୁ ପରିବାର ଲୋକେ ପ୍ରସୂତିଙ୍କୁ ଖଟିଆରେ ବୋହିକି ନେଇଥିଲେ । ପାହାଡ ଓ ନଦୀ ପାର ହେବା ପରେ ଲାଞ୍ଜିଗଡ ନିକଟସ୍ଥ ଭୈରବ ମନ୍ଦିର ନିକଟରେ ପହଚିଂଥିଲେ । ସେଠାରୁ ୧୦୮ ଆମ୍ବୁୁଲାନ୍ସ ଯୋଗେ ମେଡିକାଲ ଅଣାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବେନଗାଁ ପଂଚାୟତର ଲିଟିବଣ୍ଡେଲ ଗାଁର ଜଣେ ପ୍ରସୂତି ଗର୍ଭ ଯନ୍ତ୍ରଣାରେ ଛଟପଟ ହେଉଥିବା ବେଳେ ପାଖ ଗାଁରେ ରହୁଥିବା ଆଶାକର୍ମୀଙ୍କୁ ଖବର ଦିଆଯାଇଥିଲା । ମାତ୍ର ଆଶାକର୍ମୀ ନଆସିବାରୁ ପରିବାର ଲୋକେ ଚିନ୍ତାରେ ପଡିଯାଇଥିଲେ ଏବଂ ଗାଁକୁ ଗାଡି ଆସିବା ପାଇଁ ରାସ୍ତା ନଥିବାରୁ ବାଧ୍ୟ ହୋଇ ପରିବାର ଲୋକେ ଭୋର ୪ଟାରୁ ପ୍ରସୂତିଙ୍କୁ ଏକ ଖଟିଆରେ ଭାରକରି ବୋହି ଆଣିଥିଲେ ।
ଦୁଇଟି ପାହାଡ଼ ଓ ଗୋଟିଏ ନଦୀ ପାର ହେଲାପରେ ସକାଳ ୭ଟାରେ ଲାଞ୍ଜିଗଡ ନିକଟସ୍ଥ ଭୈରବ ମନ୍ଦିର ପାଖରେ ପହିଂଚିଥିଲେ । ସେଠାରୁ ଆମ୍ବୁଲାନ୍ସ ଜରିଆରେ ଲାଞ୍ଜିଗଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ରାସ୍ତା ଅଭାବରୁ ଏହି ଗାଁରେ ଗର୍ଭବତୀ ମହିଳାମାନେ ବିପଦ ସଙ୍କୁଳ ଅବସ୍ଥାରେ ଡାକ୍ତରଖାନା ଯାଉଥିବା ବାରମ୍ବାର ଅଭିଯୋଗ ଆସୁଛି । ଏଥିସହିତ ରାସ୍ତା ଅଭାବରୁ ଏହି ଗାଁକୁ କୌଣସି ସ୍ୱାସ୍ଥ୍ୟକର୍ମୀମାନେ ମଧ୍ୟ ଆସୁନଥିବା ଗ୍ରାମବାସୀଙ୍କ ଅଭିଯୋଗ ରହିଛି ।