ହିମାଚଳପ୍ରଦେଶରେ ଜଳପ୍ରଳୟ । ବ୍ୟାସ ନଦୀ ଭସାଇନେଲା ବଡ ବଡ କୋଠା ଓ ପୋଲ, କିନ୍ତୁ ସେମିତି ଅଟଳ ଭାବେ ଛିଡା ହୋଇଛି ଏହି ମହାଦେବ ମନ୍ଦିର ।
କନକ ବ୍ୟୁରୋ : ହିମାଚଳ ପ୍ରଦେଶରେ ବର୍ଷା ବିତ୍ପାତ । ପ୍ରବଳ ବର୍ଷା କାରଣରୁ ହିମାଚଳପ୍ରଦେଶରେ ଜଳପ୍ରଳୟ ଭଳି ସ୍ଥିତି ସୃଷ୍ଟି ହୋଇଛି । ପ୍ରବଳ ବର୍ଷା କାରଣରୁ ନଦୀରେ ପ୍ରବଳ ଜଳ ପ୍ରବାହିତ ହେଉଥିବା ବେଳେ ଅନେକ ଧନସମ୍ପତ୍ତି ନଷ୍ଟ ହେଉଛି । କେଉଁଠି ରାସ୍ତା ଭାଙ୍ଗି ଯାଉଛି ତ ପୁଣି କେଉଁଠି ପୋଲ ଭାସିଯାଉଛି । କିନ୍ତୁ ଏହା ଭିତରେ ସୋସିଆଲ ମିଡ଼ିଆରେ ମଣ୍ଡି ଜିଲ୍ଲାରେ ଥିବା ଐତିହାସିକ ପଞ୍ଚବକତ୍ର ମହାଦେବ ମନ୍ଦିରର ଭିଡ଼ିଓ ଭାଇରାଲ ହେବାରେ ଲାଗିଛି । ଚାରିଆଡେ ପାଣି ଆଉ ମଝିରେ ମନ୍ଦିର ଛିଡା ହୋଇଛି । ଯାହା ୧୦ ବର୍ଷ ପୂର୍ବର କେଦାରନାଥ ମନ୍ଦିରର କଥା ମନେ ପକାଇ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
୧୦ ବର୍ଷ ପୂର୍ବେ ଯେବେ ମନ୍ଦାକିନୀ ନଦୀ ରୌଦ୍ର ରୂପ ଧାରଣା କରିଥିଲା ସେତେବେଳେ ଉତ୍ତରାଖଣ୍ଡରେ ଜଳପ୍ରଳୟ ଆସିଥିଲା । ସେତେବେଳେ ଅଧା ଉତ୍ତରାଖଣ୍ଡ ଜଳରେ ବୁଡି ରହିଥିଲା । ଅନେକ ଜୀବନହାନି ହୋଇଥିବା ବେଳେ ବଡ ବଡ କୋଠା ତାସ ଘର ଭଳି ଭୁଶୁଡି ପଡିଥିଲା । କିନ୍ତୁ ଅଟଳ ଓ ନିଶ୍ଚଳ ଭାବେ ଛିଡା ହୋଇ ରହିଥିଲା କେଦାରନାଥ ମନ୍ଦିର । ଠିକ୍ ସେହିଭଳି ହିମାଚଳପ୍ରଦେଶର ଆସିଥିବା ଜଳପ୍ରଳୟରେ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ବଡ ବଡ କୋଠା, ବ୍ରିଜ ଭୁଶୁଡି ପଡିଥିବା ବେଳେ ପୁରାତନ ପଞ୍ଚବକତ୍ର ମନ୍ଦିର ସେହିଭଳି ଛିଡା ହୋଇଛି । ଏହାକୁ ଲୋକେ ମହାଦେବଙ୍କ କୃପା ବୋଲି କହୁଛନ୍ତି ।
Panchvaktra temple in Mandi District, Himachal Pradesh still stands there.
Har Har Mahadev 🙏 भगवान शिव 🙏#HimachalFloods #Heavyrainfall #Manali #HimachalPradesh, #Himachalrain
यमुना नदी हिमाचल प्रदेश pic.twitter.com/CPNJzDZTm4— Rahul Ramana (@iamrahulsingh05) July 10, 2023
ଏହି ଐତିହାସିକ ପଞ୍ଚବକତ୍ର ମନ୍ଦିର ୩୦୦ ବର୍ଷ ପୁରୁଣା ମନ୍ଦିର । ଏହାକୁ ତକ୍ରାଳୀନ ରାଜା ସିଦ୍ଧ ସେନ୍ ନିର୍ମାଣ କରିଥିଲେ । ଏହି ମନ୍ଦିରରେ ପଞ୍ଚମୁଖୀ ଶିବଙ୍କ ପ୍ରତିମା ପୂଜା ପାଉଥିବା କାରଣରୁ ଏହାକୁ ପଞ୍ଚବକତ୍ର ମନ୍ଦିର ନାଁ ଦିଆଗଲା ।