ହାତରେ ମାତ୍ର ଦୁଇଦିନ । ଆଧାର ସହ ପାନ୍ ଲିଙ୍କ୍ ନକରିଥିଲେ ଗଣିବେ ୧ହଜାର ଟଙ୍କା
କନକ ବ୍ୟୁରୋ : ଶେଷ ହେବାକୁ ଯାଉଛି ଜୁନ୍ ମାସ । ଏହା ସହିତ ଶେଷ ହେବାକୁ ଯାଉଛି ଆଧାର ଓ ପାନ୍ ସହ ଲିଙ୍କ କରିବାର ସମୟସୀମା । ଜୁନ୍ ୩୦ ତାରିଖ ଆଧାର ସହ ପାନ୍ କାର୍ଡ ଲିଙ୍କ୍ କରିବାକ ଡେଡଲାଇନ୍ ଦିଆଯାଇଥିଲା । ତେଣୁ ହାତରେ ମାତ୍ର ଆଉ ୨ଦିନ ରହିଛି । ଆଧାର ସହ ପାନ୍ ଲିଙ୍କ୍ କରାଇନାହାନ୍ତି ତେବେ ଶେଷ ତାରିଖକୁ ଅପେ କ୍ଷ ନକରି ଆଜି ହିଁ ଲିଙ୍କ୍ କରାଇନିଅନ୍ତୁ । ନଚେତ୍ ଆଗକୁ ଅନେକ ଅସୁବିଧାରେ ପଡିପାରନ୍ତି । ପୂର୍ବରୁ ମାର୍ଚ୍ଚ ୩୧ତାରିଖ ମଧ୍ୟରେ ଆଧାର ସହ ପାନ୍ ଲିଙ୍କ୍ ପାଇଁ ଶେଷ ତାରିଖ ଦିଆଯାଇଥିଲା କିନ୍ତୁ ପରେ ସମୟସୀମାକୁ ବଢାଇଦିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଯଦି ଏହି ୨ଦିନ ମଧ୍ୟରେ ଆଧାର କାର୍ଡ ସହ ପାନ୍ କାର୍ଡକୁ ଲିଙ୍କ୍ ନକରନ୍ତି ତେବେ ଆପଣଙ୍କ ପାନ୍ କାର୍ଡ ଡିଆକ୍ଟିଭେଟ୍ କରିଦିଆଯିବ । ପାନ୍ କାର୍ଡ ଡିଆକ୍ଟିଭେଟ୍ ହେବା ପରେ ଆପଣ କୌଣସି ପ୍ରକାର ନିବେଶ କରୁଛନ୍ତି, ଯେପରିକି, ମ୍ୟୁଚୁଆଲ୍ ଫଣ୍ଡ, ଷ୍ଟକ୍ ମାର୍କେଟରେ ନିବେଶ କରିପାରିବେ ନାହିଁ । ବର୍ତ୍ତମାନ ସମୟରେ ବ୍ୟାଙ୍କ୍ ଆକାଉଣ୍ଟ ଖୋଲିବାଠୁ ନେଇ ଅନ୍ୟ ବ୍ୟାଙ୍କିଙ୍ଗ୍ କ୍ଷେତ୍ରରେ ପାନ୍ କାର୍ଡ ଏକ ଜରୁରୀ ଦସ୍ତାବିଜ୍ ହୋଇଗଲାଣି । ତେଣୁ ଯଦି ପାନ୍ କାର୍ଡ ଡିଆକ୍ଟିଭେଟ୍ ହୋଇଯାଏ ତେବେ ଅନେକ ସମସ୍ୟାରେ ପଡିପାରନ୍ତି ।
ଗୁରୁତ୍ୱପୂର୍ଣ୍ଣ କଥା ହେଉଛି ଯଦି ନିର୍ଦ୍ଧାରିତ ସମୟ ଭିତରେ ଆଧାର ସହ ପାନ୍ ଲିଙ୍କ ନକରନ୍ତି ତେବେ ପରମୁହୁର୍ତ୍ତରେ ଆପଣଙ୍କୁ ୧୦୦୦ ଟଙ୍କାର ଫାଇନ୍ ଗଣିବାକୁ ପଡିବ । ଯଦି ଆପଣ ଡିଆକ୍ଟିଭେଟ୍ ହୋଇଯାଇଥିବା ପାନକାର୍ଡକୁ ବ୍ୟବହାର କରନ୍ତି ତେବେ ସେ ବାବଦକୁ ମଧ୍ୟ ମୋଟା ଅଙ୍କର ଜରିମାନା ଦେବାକୁ ପଡିବ । ଏପରି କଲେ ବ୍ୟବହାରକାରୀଙ୍କୁ ୧୦ହଜାର ଟଙ୍କା ପର୍ଯ୍ୟନ୍ତ ଜରିମାନା ଦେବାକୁ ପଡିପାରେ ।