୨୦୨୪ ପାଇଁ ଜେଡିୟୁ ଜାରି କଲା ପୋଷ୍ଟର । ଜାଣନ୍ତୁ କଣ ରହିଛି ରାଷ୍ଟ୍ରୀୟ ରାଜନୀତିକୁ ନେଇ ନିତୀଶଙ୍କ ଆଭିମୁଖ୍ୟ
କନକ ବ୍ୟୁରୋ : ୨୦୨୪ ସାଧାରଣ ନିର୍ବାଚନକୁ ନେଇ ଏବେଠାରୁ ବିରୋଧୀ ଶିବର ସରଗରମ । ଗତକାଲି ତେଲେଙ୍ଗାନା ମୁଖ୍ୟମନ୍ତ୍ରୀ ତଥା ଟିଆରଏସ ନେତା କେ, ଚନ୍ଦ୍ରଶେଖର ରାଓ ବିହାର ଗସ୍ତରେ ଯାଇ ପାଟନା ଠାରେ ବିହାର ମୁଖ୍ୟମନ୍ତ୍ରୀ ନିତୀଶ କୁମାର ଓ ଉପ ମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କୁ ଭେଟିବା ପରେ ଦିଲ୍ଲୀ ରାଜନୀତିରେ ଏକ ନୂଆ ସମିକରଣ ଆଶା କରିଛନ୍ତି ବିରୋଧୀ । ଗତକାଲିର ଭେଟ ପରେ ଆଜି ନିତୀଶଙ୍କ ପାର୍ଟ ଜେଡିୟୁ ତରଫରୁ ଏକ ଅଫିସିଆଲ ପୋଷ୍ଟର ସୋସିଆଲ ମିଡିଆରେ ଘୁରି ବୁଲୁଛି ।
Kanak News is now on WhatsApp
Join and get latest news updates delivered to you via WhatsApp
Bihar CM Nitish Kumar features on JDU posters, promises good governance, gives slogan ‘Pradesh mein dikha, desh mein dikhega’ ahead of the 2024 general elections; visuals from JDU office in Patna pic.twitter.com/eW293thoFZ
— ANI (@ANI) September 1, 2022
ଏହି ପୋଷ୍ଟରରେ ଲେଖାଯାଇଛି କି, ‘ରାଜ୍ୟ ଦେଖିଲା ଏବେ ଦେଶ ଦେଖିବ’ । ଏହି ପୋଷ୍ଟର ସହିତ ରହିଛି ନିତୀଶ କୁମାରଙ୍କ ଫଟୋ । ଏହି ପୋଷ୍ଟର ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଅନ୍ୟଏକ ପୋଷ୍ଟରରେ ଲେଖାଯାଇଛି କି ‘ଜୁମଲା ନେର୍ହି ହକିକତ’ । ଏଭଳି ପୋଷ୍ଟର ସିଧାସଳଖ ଭାବେ ୨୦୨୪ କୁ ଇସାରା କରୁଛି । କାରଣ ଯେତେବେଳେ ବିହାର ବିକାଶ କଥା କୁହାଯାଏ ସେତେବେଳେ ନୀତିଶଙ୍କ କାମକୁ ଗଣନା କରାଯାଏ । ହେଲେ ଏବେ ପୋଷ୍ଟରରେ ଦେଶ କଥା କୁହାଯାଉଥିବାରୁ ଏହା ୨୦୨୪ କୁ ଟାର୍ଗେଟ୍ ବୋଲି କୁହାଯାଇଛି ।