ବିହାର ମୁଖ୍ୟମନ୍ତ୍ରୀଙ୍କ ବିରୋଧରେ ପ୍ରଶାନ୍ତ କିଶୋରଙ୍କ ବଡ ବୟାନ : କହିଲେ ବିଜେପି ସହ ମିଶିବାକୁ ବ୍ୟାକୁଳ ନୀତୀଶ
କନକ ବ୍ୟୁରୋ : ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ରାଜନୈତିକ ରଣନୀତିକାର ପ୍ରଶାନ୍ତ କିଶୋରଙ୍କ ମଧ୍ୟରେ ଚାଲିଥିବା ବିବାଦ ପୁଣି ବଢିବାରେ ଲାଗିଛି । ନୀତୀଶ କୁମାର ବିଜେପିଠୁ ଅଲଗା ହୋଇ ଆରଜେଡି ସହ ମିଶି ସରକାର ଗଠନ କରିଥିଲେ । କିନ୍ତୁ ଏବେବି ନୀତୀଶ ବିଜେପି ସହ ଯୋଗାଯୋଗରେ ଥିବା କହିଛନ୍ତି ପ୍ରଶାନ୍ତ କିଶୋର । ବିଜେପି ସହ ପୁଣି ଥରେ ହାତ ମିଲାଇବାକୁ ନୀତୀଶ ବ୍ୟାକୁଳ ଅଛନ୍ତି । ଯଦି ସେମିତି ପରିସ୍ଥିତି ଉପୁଜିବ ତେବେ ପୁଣି ସେ ବିଜେପି ସହ ହାତ ମିଳାଇବେ ବୋଲି ପ୍ରଶାନ୍ତ କହିଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ନୀତୀଶ ସକ୍ରୀୟ ଭାବେ ଜାତୀୟ ସ୍ତରରେ ମେଂଟ ଗଠନ କରିବାକୁ ପ୍ରୟାସ କରୁଛନ୍ତି ବୋଲି ଯେଉଁମାନେ ଭାବୁଛନ୍ତି ତାହା ଭୁଲ । ସେ ଦଳର ସାଂସଦ ଏବଂ ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ମାଧ୍ୟମରେ ବିଜେପି ସହ ସମ୍ପର୍କରେ ରହିବା ସହ ସାଲିସ ପାଇଁ ଉଦ୍ୟମ କରୁଥିବା କହିଛନ୍ତି ପ୍ରଶାନ୍ତ । ଜେଡିୟୁ, ବିଜେପି ସମ୍ପର୍କ ଛିନ୍ନ ହୋଇଥିଲେ ବି ଏହି କାରଣ ପାଇଁ ହରିବଂଶଙ୍କୁ ରାଜ୍ୟସଭାର ଇସ୍ତଫା ଦେବାକୁ କୁହାଯାଇନାହିଁ ବୋଲି ସେ କହିଛନ୍ତି । ଯାହା ଉପରେ ନୀତୀଶ କୁମାର ଅବା ଜେଡିୟୁ ପକ୍ଷରୁ କୌଣସି ପ୍ରତ୍ରିକ୍ରିୟା ଆସିନାହିଁ ।