ମନ୍ତ୍ରୀ ପରିଷଦ ବୈଠକରେ ମୁଖ୍ୟମନ୍ତ୍ରୀଙ୍କ ସମୀକ୍ଷା : ଓଡିଆ ଭାଷାକୁ ସରକାରୀ ସ୍ତରରେ କାର୍ଯ୍ୟକାରୀ କରିବାକୁ ନବୀନଙ୍କ ନିର୍ଦେଶ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍: ସରକାରୀ ସ୍ତରରେ ଓଡିଆ ଭାଷାର ପ୍ରଚଳନ ପାଇଁ ପଦକ୍ଷେପ ନିଆଯାଉଛି । ୧୯୫୪ ଓଡିଆ ଭାଷା ଆଇନରେ ସଂଶୋଧନ କରାଯାଉଛି ଓ ଅଗଷ୍ଟ ୧୫ ସୁଦ୍ଧା ଏହାକୁ କାର୍ଯ୍ୟକାରୀ କରିବା ଲାଗି ପଦକ୍ଷେପ ନିଆଯାଉଥିବା କହିଛନ୍ତି ମୁଖ୍ୟ ଶାସନ ସଚିବ । ଆଜି ରାଜ୍ୟ ସଚିବାଳୟରେ ମନ୍ତ୍ରୀ ପରିଷଦ ବୈଠକ ପରେ ଏହି ସୂଚନା ଦେଇଛନ୍ତି ଆଦିତ୍ୟ ପ୍ରସାଦ ପାଢୀ । ଆମ ରାଜ୍ୟରେ ଓଡିଆ ଭାଷା ସାହିତ୍ୟ ବିଶ୍ୱବିଦ୍ୟାଳୟ ପ୍ରତିଷ୍ଠା କରାଯିବ ଓ ସେଂଟ୍ରାଲ ୟୁନିଭର୍ସିଟି, ବନାରସ ହିନ୍ଦୁ ୟୁନିଭର୍ସିଟି, ଦିଲ୍ଲୀ ୟୁନିଭର୍ସିଟି, ଜେଏନୟୁରେ ଓଡିଆ ଭାଷା ପାଇଁ ସ୍ୱତନ୍ତ୍ର ଚେୟାର ପ୍ରତିଷ୍ଠା କରିବା ପାଇଁ ପଦକ୍ଷେପ ନିଆଯିବ ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ମନ୍ତ୍ରୀ ପରିଷଦ ବୈଠକରେ ଓଡିଆ ଭାଷା ପାଇଁ ଯେଉଁସବୁ ପଦକ୍ଷେପ ନିଆଯାଇଛି ସେ ନେଇ ବୈଠକରେ ଆଲୋଚନା ହୋଇଛି । ଏଥିସହ ନବୀନଙ୍କ ଚତୁର୍ଥ ଟର୍ମର ଦୁଇବର୍ଷରେ ସରକାରଙ୍କୁ କଣ ସବୁ ସଫଳତା ମିଳିଛି, ତାହା ଉପରେ ଆଲୋକପାତ କରିଛନ୍ତି ମୁଖ୍ୟମନ୍ତ୍ରୀ । ବିଜେଡି ସରକାର ଗତ ସାଧାରଣ ନିର୍ବାଚନ ବେଳେ ଜାରି କରିଥିବା ଇସ୍ତାହାର ପ୍ରତିଶ୍ରୁତି ପୂରଣରେ କେତେଦୂର ସଫଳ ହୋଇଛି ସେନେଇ ବୈଠକରେ ସମୀକ୍ଷା କରାଯାଇଛି । ଆଗାମୀ ୩ ବର୍ଷରେ ଏସବୁ ଟାର୍ଗେଟ ପୂରଣ ପାଇଁ ଲକ୍ଷ୍ୟ ରଖାଯାଇଥିବା କହିଛନ୍ତି ମୁଖ୍ୟ ଶାସନ ସଚିବ ।