ଗାନ୍ଧୀ ପରିବାର ପାଇଁ ବଢିଲା ଅଡୁଆ, ନ୍ୟାସନାଲ ହେରାଲ୍ଡ କାର୍ଯ୍ୟାଳୟରେ ଇଡିର ଚଢାଉ
କନକ ବ୍ୟୁରୋ : ନ୍ୟାସନାଲ ହେରାଲ୍ଡ ମାମଲାରେ ଗାନ୍ଧୀ ପରିବାର ପାଇଁ ଅଡୁଆ ବଢିବାରେ ଲାଗିଛି । କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ ଓ ନେତା ରାହୁଲ ଗାନ୍ଧୀଙ୍କୁ ଇଡିର ଜେରା ପରେ ଆଜି ଦିଲ୍ଲୀସ୍ଥିତି ନ୍ୟାସନାଲ ହେରାଲ୍ଡର କିଛି କାର୍ଯ୍ୟାଳୟରେ ଚଢାଉ କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ନ୍ୟାସନାଲ ହେରାଲ୍ଡ କାର୍ଯ୍ୟାଳୟରେ ଇଡି ଚଢାଉ କରିବାକୁ ଯିବା ବେଳେ କାର୍ଯ୍ୟାଳୟ ପରିସରରେ ସିକ୍ୟୁରିଟୀ ଗାର୍ଡ ବ୍ୟତୀତ ଅନ୍ୟ କେହି ନଥିବା କଥା କୁହାଯାଉଛି । ଏହି ଚଢାଉକୁ ନେଇ କଂଗ୍ରେସ ସାଂସଦ ଉତ୍ତର ରେଡ୍ଡୀ କହିଛନ୍ତି କି ସରକାର ରାଜନୈତିକ ପ୍ରତିଶୋଧ ନେବାକୁ ଇଡିକୁ ବ୍ୟବହାର କରୁଛନ୍ତି ।
Delhi | ED raids are underway at multiple locations in Delhi pertaining to alleged National Herald money laundering case pic.twitter.com/fUmD1YxI9a
— ANI (@ANI) August 2, 2022
କହିରଖୁ କି ଏହି ମାମଲାରେ ପୂର୍ବ ସପ୍ତାହରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଜେରା କରିବାକୁ ଯାଇ ଇଡି ୧୦୦ ରୁ ଅଧିକ ପ୍ରଶ୍ନ ପଚାରିଥିଲା । ଏହାସହ ତା ପୂର୍ବରୁ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଇଡି ବି ୧୫୦ ରୁ ଅଧିକ ପ୍ରଶ୍ନ ପଚାରିଥିବା କଥା ଗଣମାଧ୍ୟମରେ ପ୍ରକାଶ ପାଇଥିଲା । ଏସବୁକୁ ନେଇ ସାରା ଦେଶରେ କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା । କଂଗ୍ରେସ ଅଭିଯୋଗ କରିଥିଲା କି ବିରୋଧୀଦଳ ନେତାଙ୍କୁ ହଇରାଣ କରିବାକୁ ବିଜେପି ଇଡିକୁ ବ୍ୟବହାର କରୁଛି ।