ମୋ ସ୍ୱାମୀଙ୍କ ମାନସିକ ଅବସ୍ଥା ଖରାପ ଥିଲା । ସେ ବହୁ ବର୍ଷ ଧରି ମେଡିସିନ୍ ଖାଉଥିଲେ । ବଡ ସୂଚନା ଦେଲେ ଏଏସଆଇଙ୍କ ପତ୍ନୀ ।
କନକ ବ୍ୟୁରୋ: ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ନବ ଦାସଙ୍କୁ ଗୁଳିମାଡ କରିଛନ୍ତି ଗାନ୍ଧୀ ଛକ ଫାଣ୍ଡିର ଏଏସଆଇ ଗୋପାଳ ଦାସ । ବ୍ରଜରାଜନଗର ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ଯାଇ ଗାଡିରୁ ଓହ୍ଲାଉଥିବା ସମୟରେ ତାଙ୍କ ଉପରକୁ ଗୁଳିମାଡ ହୋଇଛି । ତେବେ ପୋଲିସ ଏଏସଆଇ ଗୋପାଳ ଦାସଙ୍କ ପତ୍ନୀ ଜୟନ୍ତୀ ଦାସଙ୍କ କହିବା ମୁତାବକ, ତାଙ୍କ ସ୍ୱାମୀଙ୍କ ମାନସିକ ଅବସ୍ଥା ଭଲ ନଥିଲା । ବହୁ ବର୍ଷ ଧରି ତାଙ୍କର ଚିକିତ୍ସା ଚାଲିଥିଲା ବୋଲି ସେ ସୂଚନା ଦେଇଛନ୍ତି । ଯାହା ଏହି ଘଟଣାରେ ଏକ ବଡ ଦିଗ ହୋଇପାରେ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗୁଳିମାଡ କରିଥିବା ଏଏସଆଇ ଗୋପାଳ ଦାସଙ୍କ ପତ୍ନୀ ଜୟନ୍ତୀ ଦାସଙ୍କ କହିବା ମୁତାବକ, ସେ ପ୍ରଥମେ ଟିଭିରୁ ଏହି ଖବର ପାଇଥିଲେ । ଏ ବିଷୟରେ ସେ କିଛି ବି ଜାଣିନଥିବା କହିଛନ୍ତି । ଗଲା ୧୨ରୁ ୧୩ ବର୍ଷ ହେଲା ସେ ଝାରସୁଗୁଡାରେ କାମ କରୁଥିଲେ । ତେବେ ଏହି ଘଟଣା ଘଟିବା ପୂର୍ବରୁ ସେ ଝିଅ ସହିତ କଥା ହେବା ସହିତ, ହଠାତ୍ କିଛି କାମ ଥିବା ଦର୍ଶାଇ ଫୋନ୍ କାଟି ଦେଇଥିଲେ ।
ତେବେ ତାଙ୍କ ମାନସିକ ଅବସ୍ଥା ଭଲ ନଥିଲା । ଏବେ ବି ତାଙ୍କର ମେଡିସିନ୍ ଖାଇବା ଚାଲିଥିଲା । ୮ରୁ ୧୦ ବର୍ଷ ହେଲା ସେ ଡାକ୍ତରଙ୍କୁ ଦେଖା କରିବା ସହିତ ମାନସିକ ଅବସ୍ଥାର ଯାଞ୍ଚ କରୁଥିଲେ ବୋଲି ତାଙ୍କ ପତ୍ନୀ ସୂଚନା ଦେଇଛନ୍ତି ।