ପାକିସ୍ତାନର ପୂର୍ବତନ ଅଧିନାୟକ ମିସବାଙ୍କ ମୁହଁରେ ଧୋନୀଙ୍କ ତାରିଫ୍ ! କହିଲେ ଭାରତୀୟ କ୍ରିକେଟରେ ବଡ ପରିବର୍ତ୍ତନ ଆଣିଛନ୍ତି ଧୋନୀ ।
କନକ ବ୍ୟୁରୋ : ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ପ୍ରଂଶସା କରିଛନ୍ତି ପାକିସ୍ତାନ କ୍ରିକେଟ୍ ଦଳର ପୂର୍ବତନ ଅଧିନାୟକ ମିସବା ଉଲ୍ ହକ୍ । ମିସବା କହିଛନ୍ତି, ଭାରତୀୟ କ୍ରିକେଟ ଦଳରେ ଯେଉଁ ଭଳି ବଡ ଧରଣର ପରିବର୍ତ୍ତନ ଆସିଛି, ସେଥିରେ ଧୋନୀଙ୍କ ଅବଦାନ ଯଥେଷ୍ଟ ଗୁରୁତ୍ୱପୂର୍ଣ୍ଣ । ରାହୁଲ ଦ୍ରାବିଡ ଏବଂ ସୌରଭ ଗାଙ୍ଗୁଲି ମଧ୍ୟ ଅଧିନାୟକ ଭାବେ ଭଲ ପ୍ରଦର୍ଶନ କରିଛନ୍ତି କିନ୍ତୁ ଧୋନି ଅଧିନାୟକ ହେବା ପରେ ଭାରତ ଅଧିକ ସଫଳତା ପାଇଛି ବୋଲି ମିସବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ଫେବୃଆରୀ ୧୪ ତାରିଖରେ ପୁଲୱାମାରେ ଯବାନଙ୍କ ଉପରକୁ ଆତଙ୍କବାଦୀ ଆକ୍ରମଣ ଆଉ ଆତଙ୍କୀ ହମଲାର ଜବାବ ପାଇଁ ପାକିସ୍ତାନ ବାଲାକୋଟରେ ଭାରତର ଏୟାରଷ୍ଟ୍ରାଇକ୍ । ଏହି ଦୁଇଟି ବଡ ଘଟଣା ପରେ ଭାରତ-ପାକିସ୍ତାନ ସମ୍ପର୍କରେ ତିକ୍ତତା ଆହୁରି ବଢିଯାଇଥିଲା । ଆଉ ଏହି ଘଟଣାର ପ୍ରଭାବ ବିଶ୍ୱକପ କ୍ରିକେଟରେ ପଡିପାରେ ବୋଲି ମଧ୍ୟ ଚର୍ଚ୍ଚା ହେଉଥିଲା । ଏପରିକି ବିଶ୍ୱକପରେ ପାକିସ୍ତାନ ସହ ଭାରତ ନଖେଳିବା ନେଇ ମଧ୍ୟ ଆଲୋଚନା ଲାଗି ରହିଥିଲା । ଆଉ ଶେଷରେ ଭାରତ-ପାକିସ୍ତାନ ମ୍ୟାଚ ହେବା ନେଇ ସ୍ପଷ୍ଟ କରିଥିଲା ଆଇସିସି ।