‘ମରିଯିବି ପଛେ, ଦେଶକୁ ବାଣ୍ଟିବାକୁ ଦେବିନି’ । ଇଦ୍ ଅବସରରେ ଏମିତି କହିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ବିଜେପିକୁ କଲେ ସିଧା ଟାର୍ଗେଟ୍ ।
କନକ ବ୍ୟୁରୋ: ଜୀବନ ଦେଇଦେବି ପଛେ, ହେଲେ ଦେଶକୁ ବାଣ୍ଟିବାକୁ ଦେବିନି । ଆଜି ସାରା ଦେଶରେ ଇଦ୍ ପାଳନ ହେଉଥିବାବେଳେ, ଏଭଳି କିଛି ବୟାନ ଦେଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଶନିବାର ମମତା ଦିଦି ଭାଗବଣ୍ଟା ରାଜନୀତି କରୁଥିବା ନେତାଙ୍କୁ ଟାର୍ଗେଟ କରିବା ସହ ସେମାନଙ୍କ ଉପରେ ବର୍ଷିଛନ୍ତି । ମମତା କହିଛନ୍ତି ଯେ, ଘୃଣାର ରାଜନୀତି କରି କିଛି ଲୋକ ଦେଶକୁ ବାଣ୍ଟିବାକୁ ଚାହୁଁଛନ୍ତି । ହେଲେ ସେ ନିଜ ଜୀବନ ଦେଇଦେବେ ପଛେ, ଦେଶକୁ ଭାଗଭାଗ ହେବାକୁ ଦେବେନି ।
Kanak News is now on WhatsApp
Join and get latest news updates delivered to you via WhatsApp
ତେବେ ମମତା ବାନାର୍ଜୀ ଆଜି ଇଦ୍ ଅବସରରେ ନମାଜ କରିବା ସହିତ ସେଠାରେ ଏକତ୍ରିତ ହୋଇଥିବା ଲୋକଙ୍କୁ ଏକାଠି ହୋଇ ରହିବାକୁ କହିଛନ୍ତି । ଏଥିସହ ୨୦୨୪ରେ କେମିତି ବିଜେପିର ପରାଜୟ ହେବ ସେନେଇ ମଧ୍ୟ ମମତା ଆଲୋଚନା କରିଥିବା କଥା ଜଣାପଡିଛି । ଅନ୍ୟପଟେ ମମତା ବିଜେପି ଉପରେ ବଡ ଅଭିଯୋଗ ମଧ୍ୟ ଆଣିଛନ୍ତି । ବିଜେପି ସମ୍ବିଧାନ ବଦଳାଇବାକୁ ଚେଷ୍ଟା କରୁଥିବା ଦିଦି କହିଛନ୍ତି ।
ମମତା କହିଛନ୍ତି ଯେ, ସେ ଧନ ବଳ ଓ କେନ୍ଦ୍ରୀୟ ଏଜେନ୍ସି ସହ ଲଢିବାକୁ ପ୍ରସ୍ତୁତ ଅଛନ୍ତି । ହେଲେ ନିଜ ମୁଣ୍ଡ ନୁଆଁଇବାକୁ ପ୍ରସ୍ତୁତ ନୁହଁନ୍ତି । ତେବେ ଆସନ୍ତା ୧ ବର୍ଷ ଭିତରେ ଏହା ସୁନିଶ୍ଚିତ ହୋଇଯିବ ଯେ, ଦେଶରେ କିଏ ସରକାର ଗଠନ କରିବ । ଆମେ ସବୁ ଏକାଠି ହେଇ ରହିବା , ଆମେ ଦଙ୍ଗା ଚାହୁଁନୁ, ଶାନ୍ତି ଚାହୁଁଛୁ । ଦେଶ ବାଣ୍ଟିବାକୁ ଚାହୁଁନୁ ବୋଲି କହିଛନ୍ତି ମମତା ।