କନକ ବ୍ୟୁରୋ: ତାମିଲନାଡୁ ବିଧାନସଭାରେ ଏକ ଐତିହାସିକ ବିଲ ପାସ ହୋଇଛି । ଏହି ବିଲରେ ଜଣେ କର୍ମଚାରୀ ସପ୍ତାହରେ କେବଳ ୪ ଦିନ କାମ କରିବେ । ସପ୍ତାହରେ ଅନ୍ୟ ତିନି ଦିନ କର୍ମଚାରୀଙ୍କୁ ଛୁଟି ଦିଆଯିବ । ତେବେ ଏଥିରେ କିଛି ନିୟମ ସରକାରଙ୍କ ତରଫରୁ ଯୋଡାଯାଇଛି । ତେବେ ଏହି ନିୟମ କାରଣରୁ ଫ୍ୟାକ୍ଟ୍ରି ଏବଂ କମ୍ପାନୀ ମାଲିକଙ୍କ କୌଣସି କ୍ଷତି ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ତାମିଲନାଡୁରେ ଏହି ନୂଆ ନିୟମ ପାସ କରିବା ବେଳେ କୁହାଯାଇଛି ଯେ ନୂଆ ନିୟମ ଦ୍ୱାରା ମହିଳା କର୍ମଚାରୀ ସର୍ବାଧିକ ଲାଭ ପାଇବେ । ତେବେ ବିଲ ପାସ ସମୟରେ ବିରୋଧୀ ଦଳ ଏହାକୁ ବିରୋଧ କରିଥିଲେ । ବିରୋଧୀଙ୍କ କହିବା କଥା ଯେ ଏହା ହେବା ଦ୍ୱାରା ଫ୍ୟାକ୍ଟ୍ରି ତଥା କମ୍ପାନୀ ମାଲିକ ଶୋଷଣ କରିବେ ।
ତାମିଲନାଡୁର କାରଖାନା ଗୁଡିକ ଦେଶର ଉତ୍ପାଦନରେ ପ୍ରମୁଖ ଭୂମିକା ଗ୍ରହଣ କରୁଛି । କେବଳ ତାମିଲନାଡୁରୁ ସାରା ଭାରତ ବର୍ଷକୁ ୩୦ ପ୍ରତିଶତ ଟେକ୍ସଟାଇଲ, ୩୭.୬ ପ୍ରତିଶତ ଅଟୋମୋବାଇଲ, ୪୬.୪ ପ୍ରତିଶତର ଫୁଟୱେର ଯୋଗାଇଆସୁଛି । ବିରୋଧୀ ଦଳ କହିଛନ୍ତି ଯେ ବିଲ ଲାଗୁ ହେବା ପରେ କର୍ମଚାରୀଙ୍କ ଉପରେ ଶୋଷଣ ଅଧିକ ହେବ । ନୂଆ ବିଲ ଅନୁସାରେ କର୍ମଚାରୀ ଦିନରେ ୧୨ ଘଣ୍ଟା କାମ କରିବେ ପୂରା ସପ୍ତାହରେ ଜଣେ କର୍ମଚାରୀ ୪୮ ଘଣ୍ଟା କାମ କରିବ ।