ପୁଣି ମହାରାଷ୍ଟ୍ରରେ ହେବ କି ବିଜେପି ସରକାର ! ଦଳର ସମସ୍ତ ବିଧାୟକଙ୍କୁ ମୁମ୍ବାଇ ଡାକରା
କନକ ବ୍ୟୁରୋ : ମହାରାଷ୍ଟ୍ରରେ ପୁଣିଥରେ ବିଜେପି ସରକାର ଗଠନ କରିପାରେ । ଶିବସେନା ବିଧାୟକ ତଥା କ୍ୟାବିନେଟମନ୍ତ୍ରୀ ଏକନାଥ ସିନ୍ଦେ ଦଳ ବିରୋଧରେ ବିଦ୍ରୋହ ଆରମ୍ଭ କରିବା ପରେ ଏବେ ସରକାର ଭାଙ୍ଗିବା ପ୍ରାୟ ନିଶ୍ଚିନ୍ତ ହୋଇଯାଇଛି । ଏହାକୁ ନଜରରେ ରଖି ବିଜେପି ତରଫରୁ ସରକାର ଗଠନ ନେଇ ପ୍ରସ୍ତୁତ ଆରମ୍ଭ ହୋଇଛି । ଏହି କ୍ରମରେ ମହାରାଷ୍ଟ୍ର ବିଜେପି ମୁଖ୍ୟ ଦେବେନ୍ଦ୍ର ଫଡନାଭିସ ଦଳର ସମସ୍ତ ବିଧାୟକମାନଙ୍କୁ ମୁମ୍ବାଇରେ ଏକତ୍ରୀତ ହେବାକୁ ନିର୍ଦ୍ଦେଶ ଦେଇଛନ୍ତି । ଏହାର କାରଣ ଏହା ହୋଇପାରେ କି ଯଦି ରାଜ୍ୟପାଳ ଏକ ବିଶେଷ ଅଧିବେଶନ ପାଇଁ ଡାକ୍ତି ତେବେ ସମସ୍ତ ବିଧାୟକ ତୁରନ୍ତ ବିଧାନସଭାରେ ଉପସ୍ଥିତ ହୋଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଶିବସେନାର ଜଣଙ୍କ ପରେ ଜଣେ ବିଧାୟକ ଏବେ ବିଜେପି ସହ ମେଣ୍ଟରେ ସରକାର ଗଠନ କରିବା ଉପରେ ଜୋର ଦେଇଛନ୍ତି । ଏହି କ୍ରମରେ ଏକନାଥ ସିନ୍ଦେଙ୍କ ପରେ ପ୍ରତାପ ସରନାଇକ କହିଛନ୍ତି କି ଶିବସେନା ବିଜେପି ସହ ସୁସଂପର୍କ ରଖି ପୁଣିଥରେ ମେଣ୍ଟରେ ସରକାର ଗଠନ କରିବା ଆବଶ୍ୟକ ।
ସୂଚନା ଥାଉକି ଶିବସେନାର ବରିଷ୍ଠ ନେତା ତଥା କ୍ୟାବିନେଟ ମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ୪୦ ଜଣ ବିଧାୟକ ଏବେ ଗୁହାଟୀରେ ପହଂଚିଛନ୍ତି । ଏହା ପୂର୍ବରୁ ଏମାନେ ସୁରଟର ଏକ ହୋଟେଲରେ ଥିଲେ ।