ପୁଣି ଘୁଞ୍ଚିଲା ମହାନଦୀ ଶୁଣାଣି । ଓଡ଼ିଶା ଦାଖଲ କଲା ସମସ୍ତ ଦସ୍ତାବିଜ, ସେପ୍ଟେମ୍ବର ୨୮ରେ ହେବ ପରବର୍ତ୍ତୀ ଶୁଣାଣି
କନକ ବ୍ୟୁରୋ: ପୁଣି ଘୁଞ୍ଚିଲା ମହାନଦୀ ଜଳ ବିବାଦ ଶୁଣାଣି । ଓଡ଼ିଶା ଏବଂ ଛତିଶଗଡ଼ ମଧ୍ୟରେ ଚାଲିଥିବା ମହାନଦୀ ଜଳ ବିବାଦ ସମାଧାନ ପାଇଁ ଗଠିତ ଟ୍ରିବୁନାଲରେ ଓଡ଼ିଶାର ମଧ୍ୟବର୍ତ୍ତୀକାଳୀନ ଆବେଦନର ଶୁଣାଣି ଶେଷ ହୋଇଛି । ତେବେ ଆସନ୍ତା ସେପ୍ଟେମ୍ବର ୨୮ ତାରିଖରେ ପରବର୍ତ୍ତୀ ଶୁଣାଣି ହେବ ।
Kanak News is now on WhatsApp
Join and get latest news updates delivered to you via WhatsApp
ମହାନଦୀ ଉପରେ ଛତିଶଗଡ଼ ନିର୍ମାଣ କରୁଥିବା ଛଅଟି ବ୍ୟାରେଜ୍ ଉପରେ ରହିତାଦେଶ ଲାଗୁ କରିବା ଏବଂ ଅଣମୌସୁମୀ ସମୟରେ ଓଡ଼ିଶ ପଟ ମହାନଦୀକୁ ୧. ୭୪ ମିଲିୟନ୍ ଏକର୍ ଫୁଟ୍ ଜଳ ଛଡ଼ାଯାଉ ବୋଲି ମଧ୍ୟବର୍ତ୍ତୀକାଳୀନ ଆବେଦନରେ ଓଡ଼ିଶା ଦାବି କରିଥିଲା । ଆଉ ଏଏମ୍ ଖାନଓ୍ଵିଲକରଙ୍କ ନେତୃତ୍ୱାଧୀନ ତିନିଜଣିଆ ଖଣ୍ଡପୀଠରେ ଆଜି ଓଡ଼ିଶା ସତ୍ୟପାଠ ଏବଂ ସମସ୍ତ ଦସ୍ତାବିଜ୍ ଦାଖଲ କରିଛି ବୋଲି ଆଡଭୋକେଟ୍ ଜେନେରାଲ୍ ଅଶୋକ ପରିଜା କହିଛନ୍ତି ।
ଉଭୟ ପକ୍ଷଙ୍କୁ ଘଟଣାସ୍ଥଳ ପରିଦର୍ଶନ ପାଇଁ ପୂର୍ବରୁ ଟ୍ରିବୁନାଲ୍ ନିର୍ଦେଶ ଦେଇଥିଲେ ବି ବର୍ଷାଋତୁ ଯୋଗୁଁ ତାହା ସମ୍ଭବପର ହୋଇ ନାହିଁ ବୋଲି ଉଭୟ ପକ୍ଷ ଟ୍ରିବ୍ୟୁନାଲଙ୍କୁ କହିଛନ୍ତି । ଆସନ୍ତା ୨୮ ତାରିଖରେ ହେବାକୁଥିବା ଶୁଣାଣିରେ ଛତିଗଡ଼ର ଉତ୍ତର ଅନ୍ୟ ପକ୍ଷମାନେ ଦେବେ। ସେପଟେ ଟ୍ରିବ୍ୟୁନାଲ୍ ପକ୍ଷରୁ ଏପର୍ଯ୍ୟନ୍ତ ଆସେସର୍ ମଧ୍ୟ ନିଯୁକ୍ତ ହୋଇ ନ ଥିବା କଥା ଜଣାପଡ଼ିଛି ।