ଗଣେଶ ମୂର୍ତ୍ତି କାରିଗରର ଗାଁ ମହାକାଳପଡା । ୪୦ ପରିବାରକୁ ରୋଜଗାର ଦେଇଛି ମୂର୍ତ୍ତି ନିର୍ମାଣ
କନକ ବ୍ୟୁରୋ : ଆଉ ମାତ୍ର ଦିନ କେଇଟା ପରେ ଗଣେଶ ପୂଜା । ଏଥିପାଇଁ ସବୁଆଡ଼େ ପ୍ରସ୍ତୁତି ଆରମ୍ଭ ହୋଇଗଲାଣି । ମୂର୍ତ୍ତି ଗୁଡ଼ିକକୁ ବିଭିନ୍ନ ରଙ୍ଗ ଦେବା ସହ ସାଜସଜା କରିବାରେ ଲାଗିପଡ଼ିଛନ୍ତି ମୂର୍ତ୍ତି କାରିଗର । ତେବେ ପାର୍ବଣ ରୁତୁ ଆସିଲେ ଚଳଚଂଚଳ ହୋଇପଡ଼େ କଟକ ଜିଲ୍ଲାର ମାହାକାଳପଡ଼ା ଗାଁ । ଏହି ଗାଁର ପ୍ରାୟ ୪୦ରୁ ଉଦ୍ଧ୍ୱର୍ ପରିବାର ବିଭିନ୍ନ ପ୍ରକାର ମୂର୍ତ୍ତି ତିଆରି କରନ୍ତି । ଗତ ଦୁଇ ବର୍ଷ ହେଲା କରୋନା କଟକଣା ଯୋଗୁଁ ପ୍ରଭାବିତ ହୋଇଥିଲା ବ୍ୟବସାୟ । ତେଣୁ ଚଳିତ ବର୍ଷ ଭଲ ବ୍ୟବସାୟ ଆଶା ରଖିଛନ୍ତି କାରିଗର ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ କୋଭିଡ କଟକଣା ନଥିବାରୁ ପୂର୍ବପରି ସମସ୍ତ ପୂଜା ମଣ୍ଡପରେ ବିଭିନ୍ନ ଦେବା ଦେବୀଙ୍କ ପୂଜାର୍ଚ୍ଚନା ହୋଇପାରିବ । ଉତ୍ସବ ମୁଖର ହୋଇ ଉଠିବ ସମସ୍ତ ପୂଜା ମଣ୍ଡପ । ଚଳିତ ବର୍ଷ ମୂର୍ତ୍ତି ଉଚ୍ଚତାରେ କଟକଣା ନାହିଁ । ସେଥିପାଇଁ ଲୋକଙ୍କ ପସନ୍ଦ ଓ ବିଭିନ୍ନ ପୂଜା କମିଟିର ବରାଦ ଅନୁଯାୟୀ ମୂର୍ତ୍ତି ଗଢିବାରେ ବ୍ୟସ୍ତ ଅଛନ୍ତି ଯାଜପୁରର କାରିଗର ।
ସେହିପରି ବାଲେଶ୍ୱର ସୋର ବ୍ଲକ ଖୁଂଟା ଗାଁର ମୂର୍ତ୍ତି କାରିଗର ମାନେ ମଧ୍ୟ ଗଣେଶ ମୂର୍ତ୍ତି ତିଆରି କରିବାରେ ବ୍ୟସ୍ତ ଅଛନ୍ତି । ଦୁଇମାସ ଆଗରୁ ମୂର୍ତ୍ତି ତିଆରି ପାଇଁ ପ୍ରସ୍ତୁତି କରୁଛନ୍ତି କାରିଗର । ଏଥିପାଇଁ କଲିକତାରୁ ବିଭିନ୍ନ ପ୍ରକାର ସାମଗ୍ରୀ ଆଣି ମୂର୍ତ୍ତି ଗୁଡ଼ିକୁ ବେଶ ଆକର୍ଷଣୀୟ କରିଛନ୍ତି ।
ମୂର୍ତ୍ତୀ ତିଆରି ପାଇଁ ମାଟି, ବାଉଁଶ, ଛଣ, ସୁତୁଲି ଭଳି ଅନେକ ସରଞ୍ଜାମ ଆବଶ୍ୟକ ହୋଇଥାଏ । ମୂର୍ତ୍ତୀର ଦାମ୍, ଉଚ୍ଚତା ଓ ଚାହିଦା ମୁତାବିକ୍ କମ୍ ବେଶି ରହିଥାଏ । ପାର୍ବଣ ରୁତୁରେ ଯାହା ରୋଜଗାର ହୁଏ ସେଥିରେ ବର୍ଷ ସାରା ଚଳିଥାଆନ୍ତି କାରିଗର । ଚଳିତ କରୋନା କଟକଣା ନଥିବାରୁ ଭଲ ରୋଜଗାର ହେବାର ଆଶା ରଖିଛନ୍ତି କାରିଗର ।