ମାଲକାନଗିରିରେ ବାଟବଣା ବିଜୁ କୃଷକ ବିକାଶ ଯୋଜନା ! ଟଙ୍କା ପୈଠ ପରେ ବି ଚାଷୀଙ୍କୁ ମିଳୁନି ବୋରୱେଲ
କନକ ବ୍ୟୁରୋ : ମାଲକାନଗିରିର ଫେଲ ମାରିଛି ବିଜୁ କୃଷକ ବିକାଶ ଯୋଜନା । ଉଠା ଜଳ ସେଚନ ପ୍ରକଳ୍ପ ଜରିଆରେ ଚାଷୀଙ୍କୁ ମିଳିପାରୁନି ପାଣି । ଯୋଜନା ମୁତାବକ ଟଙ୍କା ପୈଠ କରିବା ପରେ ମଧ୍ୟ ବୋରୱେଲ ପାଇ ହଜାର ହଜାର ଚାଷୀ । ଉଠା ଜଳ ସେଚନ ବିଭାଗ ଦିନ ପରେ ଦିନ ଗଡାଇ ଚାଲି ଥିବା ଅଭିଯୋଗ ହୋଇଛି । ଟାଙ୍ଗରା ପଡିଛି ଭୁଇଁ । ଫେଲ ମାରିଛି ବିଜୁ କୃଷକ ବିକାଶ ଯୋଜନା । ଏଭଳି ଅସୁବିଧା ଭୋଗୁଛନ୍ତି ମାଲକାନଗିରି ଜିଲ୍ଲାର ଆଦିବାସୀ ବହୁଳ ପାଲକୋଣ୍ଡା ଗାଁର ଲୋକେ । ଅଣ ଜଳସେଚିତ ଶୁଖିଲା ଜମିରେ ପାଣି ମଡେଇବା ଲାଗି ଉଦ୍ୟମ ଜାରି ରଖିଛନ୍ତି ପୋଲକୋଣ୍ଡା ଗାଁର ଆଦିବାସୀ ଚାଷୀ ଗଙ୍ଗା ମାଢି ।
Kanak News is now on WhatsApp
Join and get latest news updates delivered to you via WhatsApp
ରବି ରୁତୁରେ ଅଣ ଜଳସେଚିତ ଜମିକୁ ଜଳ ଯୋଗାଇବା ପାଇଁ ବିଜୁ କୃଷକ ବିକାଶ ଯୋଜନା ଅନ୍ତର୍ଗତ ଡିପ ବୋରୱେଲ ସେଚ କାର୍ଯ୍ୟକ୍ରମ ରହିଛି । ଏଥିପାଇଁ ଭିନ୍ନ ଭିନ୍ନ ଗ୍ରୁପ ତିଆରି କରି ୧୦ହଜାର ଟଙ୍କା ଲେଖାଏଁ ପୈଠ କରିଛନ୍ତି ପାଲକୋଣ୍ଡା ଗାଁର ୧୬ଜଣ ଚାଷୀ । ତେବେ ଟଙ୍କା ପୈଠ ପରେ ବର୍ଷ ବର୍ଷ ବିତିଛି, ହେଲେ ଚାଷୀଙ୍କୁ ବୋରୱେଲ ମିଳିନାହିଁ । ପ୍ରତିଦିନ ମାଲକାନଗିରି ଉଠା ଜଳସେଚନ ବିଭାଗ କାର୍ଯ୍ୟାଳୟ ଦୌଡି ଦୌଡି ଚାଷୀ ନୟାନ୍ତ ହେଉଛନ୍ତି ।
ମାଲକାନଗିରି ଜିଲ୍ଲାରେ ଗତ ୨୦୧୬-୧୭ ଆର୍ଥୀକ ବର୍ଷରେ ବୋର ୱେଲ ପାଇଁ ୧୧୪୮ ଜଣ ହିତାଧିକାରୀ ପଂଜିକରଣ କରିଛନ୍ତି । ସେମାନଙ୍କ ମଧ୍ୟରୁ ୫୬୧ ଜଣ ବି.ପି.ଏଲ ଚାଷୀ ଓ ସାଧାରଣ ବର୍ଗର ଚାଷୀ ୧୦ ହଜାର ଓ ୨୦ ହଜାର ଲେଖାଏଁ ଟଙ୍କା ୟୁନିୟନ ବ୍ୟାଙ୍କ ଜରିଆରେ ପୈଠ କରିଛନ୍ତି । ଆଶ୍ଚର୍ଯ୍ୟର କଥା ଗତ ୨୦୧୬-୧୭ ବର୍ଷ ଠାରୁ ନଳକୁପ ଖନନ ଓ ବିଦ୍ୟୁତ ସଂଯୋଗୀକରଣ ଲାଗି ଟେଣ୍ଡର ଫାଇନାଲ ହୋଇ ପାରୁନି । ରାଜଧାନୀ ସ୍ଥିତ ଏମ.ଡି ଓ ଏଲ.ଆଇସିଙ୍କ କାର୍ଯ୍ୟାଳୟରେ ମନ ମୁତାବକ ଠିକାଦାରଙ୍କୁ କାର୍ଯ୍ୟାଦେଶ ଦିଆଯାଉନଥିବାରୁ ଡେରି ହେଉଥିବା ଅଭିଯୋଗ ଆସିଛି । ମହାନଦୀ ପାଣିର ସଦବିନିଯୋଗକୁ ନେଇ ଉଭୟ ଛତିଶଗଡ ଓ କେନ୍ଦ୍ର ସରକାରଙ୍କ ସହ ଓଡିଶାର ତୁ ତୁ ମେଁ ମେଁ ଲାଗି ରହି ଥିବା ବେଳେ ନିଜ ଭୁତଳ ଜଳର ଉପଯୋଗ ଦିଗରେ ମଧ୍ୟ ବିଫଳ ହୋଇଛନ୍ତି ରାଜ୍ୟ ସରକାର ।