କନକ ବ୍ୟୁରୋ : ହିଣ୍ଡେନବର୍ଗର ରିପୋର୍ଟ ଆସିବା ପରେ ଆଦାନୀ ଗ୍ରୁପରେ ଭାରତୀୟ ଜୀବନ ବୀମା ନିଗମ ନିବେଶ କରିଥିବା ଅର୍ଥକୁ ନେଇ ଅନେକ ଚର୍ଚ୍ଚା ଚାଲିଛି । ଏହାକୁ ନେଇ ଏଲଆଇସି ତରଫରୁ ପ୍ରଥମଥର ପାଇଁ ପ୍ରତିକ୍ରିୟା ପ୍ରକାଶ ପାଇଛି । ଏଲଆଇସି ତରଫରୁ ଘୋଷଣା କରାଯାଇଛି କି, ଆଦାନୀ ଗ୍ରୁପରେ ନିବେଶ ହୋଇଥିବା ଏଲଆଇସିର ଅର୍ଥ ପ୍ରତ୍ୟାହାର କରାଯିବ ନାହିଁ । ଏଲଆଇସିର ଚେୟାରମ୍ୟାନ ଏମ.ଆର କୁମାର ଏଭଳି ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏମ.ଆର କୁମାର କହିଛନ୍ତି କି, ଆମେ ଆଦାନୀ ଗ୍ରୁପ ମ୍ୟାନେଜମେଣ୍ଟକୁ କେବେ କେବେ ବିଜେନେସ୍ ପ୍ରୋଫାଇଲ ବାବଦରେ ସୂଚନା ପାଇଁ ଡାକିବୁ । ଏହାସହ ଆଦାନୀ ଗ୍ରୁପ କେଉଁ କେଉଁ ଯୋଜନା ଉପରେ କାମ କରୁଛି ଓ ଏହାକୁ କିଭଳି ପ୍ରବନ୍ଧିତ କରାଯାଇ ପାରିବ ତାହା ଉପରେ ଆଲୋଚନା କରିବୁ ।
ହିଣ୍ଡେନବର୍ଗର ରିପୋର୍ଟ ପରେ ସଂକଟରେ ଥିବା ଆଦାନୀ ଗ୍ରୁପ ପାଇଁ ଏହା ଏକ ଭଲ ଖବର । ଏହା ପୂର୍ବରୁ କୁହାଯାଇଥିଲା କି ନିବେଶକକୁ ନେଇ ଯେଉଁ ପ୍ରଶ୍ନ ଉଠୁଛି ତାହା ଉପରେ ବୀମା କମ୍ପାନୀର ଅଧିକାରୀ ଆଦାନୀ ଗ୍ରୁପର ଶୀର୍ଷ ମ୍ୟାନେଜମେଣ୍ଟ ସହ ବୈଠକ କରି ଗ୍ରୁପର ବିଭିନ୍ନ କାରବାର ସହିତ ଜଡିତ ସମସ୍ୟା ଉପରେ ଆଲୋଚନା କରିବେ ।
ସୂଚନା ଥାଉକି ଭାରତୀୟ ଜୀବନ ବୀମା ନିଗମର ମୋଟ ଲାଭ ଚଳିତ ଆର୍ଥିକ ବର୍ଷର ଅକ୍ଟୋବରରୁ ଡିସେମ୍ବର ତୈମାସିକ ମଧ୍ୟରେ ୮,୩୩୪.୨ କୋଟିରେ ପହଂଚିଛି । ଏହି ପରିସଂଖ୍ୟାନ ଗତବର୍ଷ ସମାନ ଅବଧି ମଧ୍ୟରେ ୨୩୫ କୋଟି ଟଙ୍କା ଥିଲା । ଏହା ପୂର୍ବ ତୈମାସିକରେ ବୀମା କମ୍ପାନୀ ୧୫,୯୫୨ କୋଟି ଟଙ୍କା ଲାଭ ଦର୍ଶାଇଥିଲା ।