ଯୁଦ୍ଧ ଭିତରେ ବଳବାନ ହେଉଛି କି ୟୁକ୍ରେନ?ସୀମା ସୁରକ୍ଷା ବଢ଼ାଇବାକୁ ନିର୍ଦ୍ଦେଶ ଦେଲେ ପୁଟିନ
କନକ ବ୍ୟୁରୋ : ମଙ୍ଗଳବାର ରାତିରେ ଥରି ଉଠିଛି ରୁଷର ରାଜଧାନୀ ମସ୍କୋ । ରଏଟର୍ସର ସୂଚନା ଅନୁସାରେ ୟୁକ୍ରେନ ଦକ୍ଷିଣ ରୁଷ କ୍ଷେତ୍ରର ଜନବହୁଳ ଅଞ୍ଚଳକୁ ଟାର୍ଗେଟ କରି ରାତି ତମାମ ଆକ୍ରମଣ କରିଛି ୟୁକ୍ରେନ । କଡ଼ା ସୁରକ୍ଷା ବଳୟ ଭିତରେ ଥିବା ମସ୍କୋର ଦୁଇଟି ଜନବହୁଳ ସ୍ଥାନ କ୍ରାସ୍ନୋଡାର ଏବଂ ଆଦିଗିଆରେ ଡ୍ରୋନରେ ଆକ୍ରମଣ କରାଯାଇଛି । ସେପଟେ କ୍ରେମଲିନ ୟୁକ୍ରେନର ଆକ୍ରମଣକୁ ବିଫଳ କରିଥିବା ମଧ୍ୟ ଦାବି କରୁଛି । ତେବେ ପାଲଟା ଆକ୍ରମଣ କରି ୟୁକ୍ରେନର ଡ୍ରୋନକୁ ଧ୍ୱଂସ କରିଥିବା କ୍ରେମଲିନ କହୁଛି । ରୁଷ ପ୍ରତିରକ୍ଷାମନ୍ତ୍ରାଳୟ ପକ୍ଷରୁ କିଛି ଫଟୋ ଜାରି କରାଯାଇଛି । ଏହି ଫଟୋ ଗୁଡିକ ୟୁକ୍ରେନର ଡ୍ରୋନର ବୋଲି କ୍ରେମଲିନ ଦାବି କରୁଛି । ମସ୍କୋଠୁ ୬୨ କିଲୋମିଟର ଦୂରରେ ଥିବା ଗୁଭାସ୍ତୋରେ ନଷ୍ଟ ହୋଇ ପଡି ରହିଛି ୟୁକ୍ରେନ ଡ୍ରୋନ । ଏହା ୟୁଜେ-୨୨ ଏୟାରବର୍ଣ୍ଣ ଓ ୟୁକ୍ରେନର ନିଜସ୍ୱ ନିର୍ମିତ ଡ୍ରୋନ ବୋଲି କ୍ରେମଲିନ କହିଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣାପରେ ନିଜର ଗୁଇନ୍ଦା ବିଭାଗକୁ ଆଲର୍ଟ ରଖିବା ସହ ସୁରକ୍ଷାକୁ ଅଧିକ କଡ଼ାକଡ଼ି ରଖିବାକୁ ନିର୍ଦ୍ଦେଶ ଦେଇଛନ୍ତି ରାଷ୍ଟ୍ରପତି ପୁଟିନ । ଏତେ କଡ଼ା ସୁରକ୍ଷା ଭିତରେ ଥିବା ମସ୍କୋ ଭିତରେ ୟୁକ୍ରେନର ଦୁଇଟି ଡ୍ରୋନ ପ୍ରବେଶ କରି ଆକ୍ରମଣ କରିବା ପରେ ରୁଷ ରାଷ୍ଟ୍ରପତିଙ୍କ ଅକଲ ଗୁଡୁମ ହୋଇଛି ।
ଡ୍ରୋନରେ ଆକ୍ରମଣ ସହ ୟୁକ୍ରେନ ମସ୍କୋର ସାଇବର ଆକ୍ରମଣ କରିଥିବା ଅଭିଯୋଗ କରିଛି । ଟିଭି,ରେଡିଓ ଓ ବିମାନବନ୍ଦରରେ ହ୍ୟାକର ଟାର୍ଗେଟ କରିଥିବା ରୁଷ ଦାବି କରିଛି । ଯୁଦ୍ଧର ପ୍ରଥମ ଦିନରୁ ୟୁକ୍ରେନକୁ ଆମେରିକା ଓ ପାଶ୍ଚାତ୍ୟ ଦେଶଙ୍କ ମିଳୁଛି ସାମାରିକ ସହଯୋଗ ଓ ସମର୍ଥନ । ଏହା ଭିତରେ ରୁଷ ପରି ଶକ୍ତିଶାଳୀ ରାଷ୍ଟ୍ରର ବର୍ଷେ ହେବ ମୁକାବିଲା କରୁଛି ୟୁକ୍ରେନ ।