ଚିଲିକା ଜଳରାଶି ଭିତରେ ମିଳିବ ଭାସମାନ ରେସ୍ତୋରାଁର ମଜା : ଅତ୍ୟାଧୁନିକ ବ୍ୟବସ୍ଥା ସହ ସ୍ବାଦିଷ୍ଟ ଖାଦ୍ୟରେ ଆପାୟିତ ହେବେ ପର୍ଯ୍ୟଟକ
କନକ ବ୍ୟୁରୋ : ନୀଳାମ୍ବୁ ଚିଲିକାର ଜଳରାଶି ଭିତରେ ମିଳିବ ରେସ୍ତୋରାଁର ମଜା । ଏକ ଭିନ୍ନ ଦୁନିଆରେ କେଇ କ୍ଷଣ ହଜିଯିବା ସହ ସ୍ବାଦିଷ୍ଟ ଖାଦ୍ୟରେ ଆପାୟିତ ହେବେ ପର୍ଯ୍ୟଟକ । ଚିଲିକା ପର୍ଯ୍ୟଟନ କ୍ଷେତ୍ର ସହ ଯୋଡ଼ି ହେବ ‘ଭାସମାନ ରେସ୍ତୋରାଁ’। ପାଣିରେ ଭାସିଭାସି କଙ୍କଡ଼ା, ମାଛର ସ୍ବାଦ ନେବା ସହ ଚିଲିକାର ମନୋରମ ଦୃଶ୍ୟକୁ ଉପଭୋଗ କରିବେ ପର୍ଯ୍ୟଟକ । ପର୍ଯ୍ୟଟକଙ୍କୁ ଏଭଳି ନିଆରା ଅନୁଭବ ଭେଟି ଦେବ ରାଜ୍ୟ ପର୍ଯ୍ୟଟନ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଏଥି ସହ ଜଳ କ୍ରୀଡ଼ାରେ ରୁଚି ରଖୁଥିବା ପର୍ଯ୍ୟଟକଙ୍କୁ ମଧ୍ୟ ମନୋରଂଜନର ଭରପୂର ସୁଯୋଗ ଜୁଟିବ । ଚିଲିକାର ଜଳରାଶିରେ ଜେଟ୍ ସ୍କାଏଜ୍ରେ ଘୂରି ବୁଲିବାର ଅବକାଶ ମିଳିବ । ଜଳକ୍ରୀଡ଼ାକୁ ନେଇ ପର୍ଯ୍ୟଟନ ବିଭାଗ ଅନେକ ଯୋଜନା କରିଥିବା ବେଳେ ପର୍ଯ୍ୟଟକମାନଙ୍କୁ କମ୍ ଦିନ ମଧ୍ୟରେ ଏହି ସୁବିଧା ଉପଲବ୍ଧ ହେବ । ପର୍ଯ୍ୟଟନ ବିଭାଗ ପକ୍ଷରୁ ଏହାକୁ ପବ୍ଲିକ୍ ପ୍ରାଇଭେଟ୍ ପାର୍ଟନରସିପ୍ (ପିପିପି) ମୋଡ୍ରେ ପରିଚାଳନା କରାଯିବ । ଏନେଇ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି।