କନକ ବ୍ୟୁରୋ : ହିମାଚଳ ପ୍ରଦେଶର ଶାସକ ବିଜେପି ଚଳିତ ବିଧାନସଭା ନିର୍ବାଚନରେ ପରାଜିତ ହେବା ପରେ ଆଜି ମୁଖ୍ୟମନ୍ତ୍ରୀ ଜୟରାମ ଠାକୁର ପଦରୁ ଇସ୍ତଫା ଦେଇଛନ୍ତି । ଆଜି ନିର୍ବାଚନ ଫଳାଫଳ ଘୋଷଣା ସରିବା ପରେ ପରାଜୟକୁ ସ୍ୱିକାର କରି ଜୟରାମ ଠାକୁର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଦ୍ୟ ସୂଚନା ମୁତାବକ ହିମାଚଳ ପ୍ରଦେଶର ମୋଟ ୬୮ ଟି ଆସନ ମଧ୍ୟରୁ କଂଗ୍ରେସ ୨୭ଟିରେ ବିଜୟଲାଭ କରିଥିବା ବେଳେ ୧୨ ଟିରେ ଆଗୁଆ ରହିଛି । ସେହିଭଳି ବିଜେପି ୧୮ ଟିରେ ବିଜୟଲାଭ କରିଥିବା ବେଳେ ୮ଟି ଆସନରେ ଆଗୁଆ ରହିଛି । ହେଲେ ଫଳାଫଳ ଏକପ୍ରକାର କଂଗ୍ରେସ ସପକ୍ଷରେ ଯାଇଛି । ସେପଟେ ୩ ଟି ଆସନ ଅନ୍ୟାନ ଦଳ ଓ ସ୍ୱାଧୀନ ପ୍ରାଥୀଙ୍କ ଖାତାକୁ ଯାଇଛି ।
ସେପଟେ ଇସ୍ତଫା ଦେବାକୁ ଯିବା ବେଳେ ଜୟରାମ ଠାକୁର ପରାଜୟକୁ ସ୍ୱିକାର କରିଛନ୍ତି । ସେ ହିମାଚଳ ପ୍ରଦେଶର ଜନତାଙ୍କୁ ଧନ୍ୟବାଦ ଦେବା ସହ ନୂଆ ସରକାରକୁ ଶୁଭକାମନା ଜଣାଇଛନ୍ତି ।