ଅବସର ପରେ ବୀର ଯବାନଙ୍କୁ ଭବ୍ୟ ସ୍ୱାଗତ । ଢୋଲ ମାଦଳ ବଜାଇ ଗାଁକୁ ପାଛୋଟି ନେଲେ ଗ୍ରାମବାସୀ ।
କନକ ବ୍ୟୁରୋ: ଭାରତୀୟ ସେନାରେ ସଫଳତାର ସହ ସେବା କରିବା ପରେ ବିହାର ରେଜିମେଣ୍ଟର ସିପାହୀ ହୃଷିକେଶ କିସାନ ଘରକୁ ଫେରିଛନ୍ତି । ଦେଶ ମାତୃକାର ସେବା କରି ସେ ଗାଁକୁ ଫରିବା ପରେ ଗ୍ରାମବାସୀ ଭାବବିହ୍ୱଳ ହୋଇଛନ୍ତି । ଗ୍ରାମବାସୀଙ୍କ ପକ୍ଷରୁ ହାତରେ ଜାତୀୟ ପତାକା ଧରି ବୀର ଯବାନ ହୃଷିକେଶଙ୍କୁ ଢୋଲ ମାଦଳ ବଜାଇ ସ୍ୱାଗତ କରାଯାଇଛି । ଏପରିକି ଏକ ଶୋଭାଯାତ୍ରା କରି ଗାଁ ପରିକ୍ରମା କରାଇଛନ୍ତି ଦେବଗଡ ଜିଲ୍ଲା ତିଲେଇବଣୀ ବ୍ଲକ ଝରାଗୋଗୁଆ ପଞ୍ଚାୟତ କିସାନ ସାହିର ଲୋକେ । ବୀର ଯବାନଙ୍କ ପ୍ରତି ଗ୍ରାମବାସୀଙ୍କ ଏପରି ସମ୍ମାନ ପ୍ରଦର୍ଶନକୁ ନେଇ ଏବେ ସବୁଠି ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏଭଳି ସ୍ୱାଗତ ଅଭ୍ୟର୍ଥନାରେ ଅନୁପ୍ରାଣିତ ହୋଇ ସ୍ଥାନୀୟ ଅଞ୍ଚଳର ଯୁବପିଢି ଆଗାମୀ ସମୟରେ ଭାରତୀୟ ସେନାରେ ନିଜକୁ ସାମିଲ କରିବାକୁ ଆଗ୍ରହୀ ହେବେ ବୋଲି ଗ୍ରାମବାସୀ ଆଶାପ୍ରକଟ କରିଛନ୍ତି । ହୃଷିକେଶ କିସାନ ୨୦୦୧ ମସିହାରେ ଭାରତୀୟ ସେନାରେ ବାହିନୀ ବିହାର ରେଜିମେଣ୍ଟର ସିପାହୀ ଭାବେ ଯୋଗ ଦେଇଥିଲେ ।