ଇସ୍ରୋ ପକ୍ଷରୁ ଅତ୍ୟାଧୁନିକ ନାଭିଗେସନ୍ ସାଟେଲାଇଟର ଉତକ୍ଷେପଣ : ସାମରିକ ଓ ବେସାମରିକ କ୍ଷେତ୍ରରେ ଯୋଗାଇବ ସେବା
କନକ ବ୍ୟୁରୋ : ଇସ୍ରୋର ସଫଳ ପରୀକ୍ଷଣ । ଜିଏସଏଲଭି-ଏଫ-୧୨ ଜରିଆରେ ଏନ୍ଭିଏସ୍-୦୧ ସାଟେଲାଇଟର ସଫଳ ଉତକ୍ଷେପଣ କରାଯାଇଛି । ଶ୍ରୀହରିକୋଟା ସ୍ଥିତ ସତୀଶ ଧୱନ ସ୍ପେଶ ସେଣ୍ଟରରୁ ଭାରତୀୟ ମହାକାଶ ଗବେଷଣା ସଂସ୍ଥାନ ଏହି ଏନ୍ଭିଏସ୍-୦୧ ସାଟେଲାଇଟର ସଫଳ ଉତକ୍ଷେପଣ କରାଇଛି । ୨ହଜାର ୨୩୨ କିଲୋଗ୍ରାମ ଓଜନର ଏହି ନାଭିଗେସନ ସାଟେଲାଇଟକୁ ସତୀଶ ଧୱନ ସ୍ପେଶ ସେଣ୍ଟରର ଦ୍ୱିତୀୟ ଲଞ୍ଚ ପ୍ୟାଡରୁ ମହାକାଶକୁ ଉତକ୍ଷେପଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବ ନିର୍ଦ୍ଧାରିତ ସମୟ ଅନୁସାରେ ଛଡାଯାଇଥିବା ଏହି ରକେଟ ୨୦ ମିନିଟ ଧରି ମହାକାଶକୁ ଉଠିବା ପରେ ସେଥିରେ ଥିବା ସାଟେଲାଇଟକୁ ତାର ନିର୍ଦ୍ଦିଷ୍ଟ କକ୍ଷପଥକୁ ଛଡାଯାଇଥିଲା । ଏହି ସାଟେଲାଇଟ ଉଭୟ ସାମରିକ ଓ ବେସାମରିକ ବିମାନ ଚଳାଚଳ କ୍ଷେତ୍ରରେ ସେବା ଯୋଗାଇବ । ଏହାର ନେଟୱର୍କ ଅଂଚଳ ଭାରତ ଓ ଭାରତ ସୀମା ବାହାରର ୧୫୦୦ କିଲୋମିଟର ପର୍ଯ୍ୟନ୍ତ ପରିବ୍ୟାପ୍ତ ଅଞ୍ଚଳରେ କାର୍ଯ୍ୟ କରିବ । ଏହା ୧୨ବର୍ଷରୁ ଅଧିକ ସମୟ ଧରି କକ୍ଷପଥରେ ପରିକ୍ରମା କରିବା ସହିତ ସେବା ଯୋଇବ ବୋଲି ଇସ୍ରୋ ପକ୍ଷରୁ କୁହାଯାଇଛି ।