କନକ ବ୍ୟୁରୋ : ଓଡିଶା ସମେତ ଏବେ ପୂରା ଦେଶରେ ହକି ଫିଭର । ନଭେମ୍ବର ୨୮ରୁ ଆରମ୍ଭ ହେବାକୁ ଥିବା ହକି ବିଶ୍ୱକପକୁ ଚାହିଁ ବସିଛନ୍ତି ହକି ପ୍ରେମୀ । ଏପରିକି ଏହି ଟୁର୍ଣ୍ଣାମେଣ୍ଟକୁ ବିଶ୍ୱରେ ସମସ୍ତ ହକି ପ୍ରେମୀଙ୍କ ପାଖରେ ପହଞ୍ଚାଇବା ପାଇଁ ଜୋରଦାର କ୍ୟାମ୍ପେନ କରାଯାଉଛି । ଆଉ ଏସବୁ ଭିତରେ ହକି ବିଶ୍ୱକପକୁ ପ୍ରମୋଟ କରିବାକୁ ଅଣ୍ଟା ଭିଡିଛନ୍ତି ବିଗ୍ ବି ଅମିତାଭ ବଚ୍ଚନ ।
Kanak News is now on WhatsApp
Join and get latest news updates delivered to you via WhatsApp
T 2942 – Honouring the Indian Hockey Team on KBC Karmveer episode .. their dedication , their effort for the country is beyond compare ..
जब हम अपने देश के खिलाड़ियों को सम्मानित करते हैं तो हम भारत को समानित करते हैं ,, देश का गौरव हैं ये ; तिरंगे की शान और मान हैं ये ,,🇮🇳🙏 pic.twitter.com/Y6MrGteauY— Amitabh Bachchan (@SrBachchan) September 24, 2018
ଜାତୀୟ ଟେଲିଭିଜନରେ ପ୍ରସାରିତ ହେଉଥିବା ଲୋକପ୍ରିୟ କେବିସି ସୋ’ରେ ହକି ବିଶ୍ୱକପକୁ ସଫଳ କରିବାକୁ କ୍ୟାମ୍ପେନ କରିଛନ୍ତି ବଲିଉଡ ସୁପରଷ୍ଟାର ଅମିତାଭ ବଚ୍ଚନ । କେବିସି ସୋ’ରେ ଭାରତୀୟ ହକି ଟିମର ସଦସ୍ୟଙ୍କ ସହ ହକି ବିଶ୍ୱକପକୁ ନେଇ ଆଲୋଚନା କରିଛନ୍ତି ବିଗ୍ ବି । ଭାରତୀୟ ହକି ଟିମ୍ ଯେତେବେଳେ ପୁଣିଥରେ ବିଶ୍ୱର ଶ୍ରେଷ୍ଠ ୫ଟି ଦଳରେ ସ୍ଥାନ ପାଇଛି ସେତେବେଳେ ଦେଶବାସୀ ଏହି ସଫଳତାକୁ ନେଇ ଗର୍ବ ଅନୁଭବ କରୁଛନ୍ତି ବୋଲି ସେ କହିଛନ୍ତି । ଏହି ସୋ’ରେ ହକି ପ୍ରତି ଓଡିଶାବାସୀଙ୍କ ଭଲପାଇବା କଥା କହିବାକୁ ଭୁଲିନାହାନ୍ତି ଅମିତାଭ । ଏହାସହ ହକି ବିଶ୍ୱକପ ପାଇଁ ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି ଅମିତାଭ । ଭୁବନେଶ୍ୱରରେ ଟିମ୍ ଇଣ୍ଡିଆ ପୁଣିଥରେ ଦମଦାର ପ୍ରର୍ଦଶନ କରିବା ସହ ଇତିହାସ ରଚିବ ବୋଲି ସେ ଆଶା ବାନ୍ଧିଛନ୍ତି ।
କେବିସି ସୋ’ରେ ହକି ବିଶ୍ୱକପର ଫିଭର ! ଶୁଭେଚ୍ଛା ଜଣାଇଲେ ଅମିତାଭ ଓ ସଚିନ pic.twitter.com/OpP4K1nP9S
— Kanak News (@kanak_news) October 10, 2018
୫୦ ସେକେଣ୍ଡର ଏହି ପ୍ରମୋ ଭିଡିଓରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ହକି ଟିମକୁ ଶୁଭେଚ୍ଛା ଜଣାଇଛନ୍ତି । ଓଡିଶାରେ ହକି ଖେଳ ବେଶ ଲୋକପ୍ରିୟ । ଖାସକରି ଆଦିବାସୀ ଅଧୁଷିତ ଅଞ୍ଚଳରେ ଏହି ଖେଳ ବେଶ ଲୋକପ୍ରିୟ । ଆଉ ଏବେ ଅଧିକାଂଶ ଯୁବକ ଓ ଯୁବତୀ ହକି ଖେଳିବାକୁ ଆଗ୍ରହ ପ୍ରକାଶ କରୁଛନ୍ତି ବୋଲି ନବୀନ କହିଛନ୍ତି । ଏହାସହ ଭୁବନେଶ୍ୱରରେ ହେବାକୁ ଥିବା ହକି ବିଶ୍ୱକପରେ ସମସ୍ତଙ୍କୁ ଯୋଗ ଦେବାକୁ ଆହ୍ୱାନ ଦେବା ସହ ଭାରତର ବିଜୟ ପାଇଁ ଶୁଭକାମନା ଜଣାଇଛନ୍ତି ମୁଖ୍ୟମନ୍ତ୍ରୀ ।
କେବଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୁହନ୍ତି ବରଂ କ୍ରିକେଟର ଭଗବାନ ସଚିନ ତେନ୍ଦୁଲକର ମଧ୍ୟ ହକି ବିଶ୍ୱକପ ପାଇଁ ଭାରତୀୟ ଟିମକୁ ଶୁଭେଚ୍ଛା ଜଣାଇଛନ୍ତି । ହକି ବିଶ୍ୱକପକୁ ବିଶ୍ୱର କୋଣ ଅନୁକୋଣରେ ପହଞ୍ଚାଇବା ନବୀନ ଯେଉଁ ଷ୍ଟ୍ରାଟେଜି ପ୍ରସ୍ତୁତ କରିଛନ୍ତି ତାହା ବେଶ ପ୍ରଂଶସାଯୋଗ୍ୟ । କେବଳ ଦେଶରେ ନୁହେଁ ବିଦେଶରେ ମଧ୍ୟ ହକି ବିଶ୍ୱକପକୁ ନେଇ ଜୋରଦାର କ୍ୟାମ୍ପେନ କରାଯାଉଛି । ଯାହାକୁ ବେଶ ପସନ୍ଦ କରିଛନ୍ତି ହକି ପ୍ରେମୀ । ଆଉ ଏସବୁ ଭିତରେ ହକି ବିଶ୍ୱକପ ପାଇଁ ଆରମ୍ଭ ହୋଇଛି କାଉଣ୍ଟଡାଉନ । ଆଉ ହକି ପ୍ରେମୀ ନଭେମ୍ବର ୨୮କୁ ଅପେକ୍ଷା କରି ରହିଛନ୍ତି ।