କନକ ବ୍ୟୁରୋ : ଭାରତୀୟ ସେନା ବ୍ରିଟଶ ଅମଳରୁ ଚାଲି ଆସୁଥିବା ନିୟମ ବଦଳାଇବା ଉପରେ ବିଚାରବିମର୍ଶ କରୁଛି । ବ୍ରିଟିଶ ଔପନିବେଶବାଦର ସମସ୍ତ ପ୍ରତୀକ ସେନାବାହିନୀରୁ ହଟାଇବା ପାଇଁ ଏବେ ସମୀକ୍ଷା ଚାଲିଛି । ଭାରତୀୟ ନୌସେନା ଇଂରେଜଙ୍କ ପ୍ରତୀକ ଭିକ୍ଟୋରିଆ କ୍ରସ ହଟାଇବା ପରେ ଏବେ ଭାରତୀୟ ସେନା ବ୍ରିଟିଶ ସାମ୍ରାଜ୍ୟବାଦର ସମସ୍ତ ପ୍ରତୀକକୁ ହଟାଇବା ପାଇଁ ଅଭିଯାନ ଆରମ୍ଭ କରିଛି । ଏବେ ସେନା ପକ୍ଷରୁ ବ୍ୟାପକ ଭାବେ ଇଂଟରନାଲ ସର୍ଭେ କରିବାକୁ ନିଷ୍ପତ୍ତି ହୋଇଛି । ସର୍ଭେ ରିପୋର୍ଟ ଆସିବା ପରେ ବ୍ରିଟିଶକାଳୀନ ପ୍ରତୀକକୁ ହଟାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମର ଖବର ଅନୁସାରେ ସ୍ଥଳସେନାଧ୍ୟକ୍ଷ ମନୋଜ ପାଣ୍ଡେ ଇଂରେଜ ଶାସନ ସମୟରୁ ଭାରତୀୟ ସେନାରେ ଚାଲି ଆସୁଥିବା ପ୍ରତୀକ, ନାମ ଓ ଆଇନକୁ ଚିହ୍ନଟ କରିବାକୁ ନିର୍ଦ୍ଦେଶ ଦେଇଛନ୍ତି । ରିପୋର୍ଟ ଅନୁସାରେ ସେନାର ବହୁ ରେଜିମେଂଟ ଓ ୟୁନିଟରେ ବ୍ରିଟିଶକାଳୀନ ପରମ୍ପରାକୁ ପାଳନ କରାଯାଇଥାଏ । ସେସବୁ ୟୁନିଟରେ ୟୁନିଫର୍ମ, ନୀତି ନିୟମ ମଧ୍ୟ ଇଂରେଜ ଭାରତରେ ଶାସନ କରୁଥିବା ସମୟର । ଏହାଛଡା ଏକାଧିକ ସୈନ୍ୟ ସଂସ୍ଥା, ଅଟ୍ଟାଳିକା, ସଡକ, ମଧ୍ୟ ଇଂରେଜ ଅଧିକାରୀଙ୍କ ନାଁରେ ରହିଛି ।
ଏବେ ସେସବୁକୁ ଗୋଟି ଗୋଟି କରି ବଦଳାଇ ଦିଆଯିବ । ସେହିପରି ଭାରତୀୟ ସେନାରେ ଏବେ କିଛି ଏପରି ପୁରସ୍କାର ବ୍ରିଟଶ ଅମଲରୁ ଚାଲି ଆସୁଛି । ସେହି ପୁରସ୍କାର ଇଂରେଜ ସରକାର ସେମାନଙ୍କୁ ଦେଉଥିଲେ, ଯେଉଁମାନେ ଭାରତର ସ୍ୱାଧୀନତା ସଂଗ୍ରାମକୁ ଭଣ୍ଡୁର କରିବାରେ ସହଯୋଗ କରୁଥିଲେ । ଏବେ ସେହି ପୁରସ୍କାର ବନ୍ଦ କରିଦିଆଯିବ ନଚେତ ନାଁ ବଦଳେଇ ଭାରତୀୟ ସ୍ୱାଧିନତା ସଂଗ୍ରାମୀଙ୍କ ନାଁରେ ନାମିତ କରାଯିବ । ଅଫିସର୍ସ ମେସରେ ବ୍ରିଟିଶକାଳୀନ ପରମ୍ପରା, ସେନା ୟୁନିଟର ପତାକା, ୟୁନିଟର ନାମ ସହ ଧ୍ୱଜାବତରଣ ଉତ୍ସବର ନାମ ମଧ୍ୟ ବଦଳାଇବାକୁ ସମୀକ୍ଷ ହେଉଛି ।