ଏସିଆ ମହାଦ୍ୱୀପ ହେବ, ହିନ୍ଦୁ ମହାଦ୍ୱୀପ । ଭାରତ ହେବ ହିନ୍ଦୁ ରାଷ୍ଟ୍ର । ବଡ ବୟାନ ରଖିଲେ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ।
କନକ ବ୍ୟୁରୋ: ଯେମିତି ହେଲେ ବି ହିନ୍ଦୁ ରାଷ୍ଟ୍ର ହେବ ଭାରତ । ସମ୍ବିଧାନ ବଦଳୁ ନଚେତ୍ ଶାସନ, ଭାରତ ହିନ୍ଦୁ ରାଷ୍ଟ୍ର ହେବାର ଲକ୍ଷ୍ୟ ନିଶ୍ଚୟ ପୂରଣ ହେବ । ଭାରତ ହିନ୍ଦୁ ରାଷ୍ଟ୍ର ହେବା ନେଇ ଏମିତି କିଛି ବୟାନ ରଖିଛନ୍ତି ପୁରୀ ଗୋବର୍ଦ୍ଧନ ପୀଠର ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ କହିବା କଥା, ଭାରତ ନିଜକୁ ହିନ୍ଦୁ ରାଷ୍ଟ୍ର ବୋଲି ଘୋଷଣା କଲେ, ଏହାର କିଛି ବର୍ଷ ଭିତରେ ବିଶ୍ୱର ଆଉ ୧୫ଟି ଦେଶ ମଧ୍ୟ ନିଜକୁ ହିନ୍ଦୁ ରାଷ୍ଟ୍ର ଭାବେ ଘୋଷଣା କରିଦେବେ । ୨୦୪ ଦେଶରୁ ୧୫ଟି ଦେଶ ଏମିତି ଅଛନ୍ତି, ଯିଏକି ଭାରତ ହିନ୍ଦୁ ରାଷ୍ଟ୍ର ଘୋଷଣା ହେବାକୁ ଅପେକ୍ଷା କରିଛନ୍ତି । ତେବେ ଏସିଆ ମହାଦ୍ୱୀପ ହିନ୍ଦୁ ମହାଦ୍ୱୀପ ଭାବେ ସାମ୍ନାକୁ ଆସିିବ । ଆମେରିକା ସଂସଦରେ ବି ହିନ୍ଦୁ ରାଷ୍ଟ୍ର ମୁଦ୍ଦା ଉଠିସାରିଛି । ଆମ ସମସ୍ତଙ୍କର ପୂର୍ବଜ ହିନ୍ଦୁ ଥିଲେ, ଏବଂ ଭାରତ ହିନ୍ଦୁ ରାଷ୍ଟ୍ର ହେବ ବୋଲି ଶଙ୍କରାଚାର୍ଯ୍ୟ କହିଛନ୍ତି ।
ଏଥିସହିତ ସେ ଆହୁରି ମଧ୍ୟ କହିଛନ୍ତି ଯେ, ଭାରତ ଯଦି ନିଜକୁ ହିନ୍ଦୁ ରାଷ୍ଟ୍ର ବୋଲି ଘୋଷଣା କରେ, ତେବେ ମରିଶସ୍ ମଧ୍ୟ ନିଜକୁ ହିନ୍ଦୁ ରାଷ୍ଟ୍ର ବୋଲି ଘୋଷଣା କରିବ । ତେବେ ୧୭ ମାସ ତଳେ ହିନ୍ଦୁ ରାଷ୍ଟ୍ରକୁ ନେଇ ସେ ମତ ରଖିସାରିଛନ୍ତି ବୋଲି ପୁରୀ ଗୋବର୍ଦ୍ଧନ ପୀଠର ଶଙ୍କରାଚାର୍ଯ୍ୟ । ଅନ୍ୟପଟେ ରାମଚରିତ ମାସକୁ ନେଇ ଉଠିଥିବା ବିବାଦ ସମ୍ପର୍କରେ ମଧ୍ୟ ସେ ମତ ରଖିଛନ୍ତି । ତାଙ୍କ କହିବା କଥା, ରାମଚରିତ ମାନସକୁ ଅପଶବ୍ଦ କହୁଥିବା ଲୋକ ଚାଣକ୍ୟ ନୀତି ଅଧ୍ୟୟନ କରିବା ଆବଶ୍ୟକ । ଚାଣକ୍ୟ ନୀତିରେ କୁହାଯାଇଛି ୫ ବର୍ଷ ପର୍ଯ୍ୟନ୍ତ ପିଲାକୁ ସେହ୍ନ-ଶ୍ରଦ୍ଧା ଦିଅନ୍ତୁ । ଏହାପରେ ତାକୁ ଅନୁଶାସନରେ ରଖିବାକୁ ଗାଳି କରିବା ମଧ୍ୟ ଉଚିତ୍ ।
ସେହିପରି ମୌଲାନା ମଦନୀଙ୍କ ଓଁ ହିଁ ଆଲ୍ଲା ବୟାନକୁ ନେଇ ମଧ୍ୟ ପୁରୀ ଶଙ୍କରାଚାର୍ଯ୍ୟ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି । ତାଙ୍କ କହିବା କଥା, ଆଲ୍ଲା ଶବ୍ଦ ହେଉଛି ମାତୃବାଚକ ଓ ଶକ୍ତିବାଚକ ଶବ୍ଦ । ଆଲ୍ଲା ଶବ୍ଦ ସଂସ୍କୃତରୁ ଆସିଛି । ଓଁ ହେଉଛି ପରମାତ୍ମାଙ୍କ ନାମ ।