କନକ ବ୍ୟୁରୋ : ଦେଶରେ ଭୋକିଲାଙ୍କ ସଂଖ୍ୟା ବୃଦ୍ଧି ପାଉଛି । ଗ୍ଲୋବାଲ ହଙ୍ଗର ଇଣ୍ଡେକ୍ସର ଚଳିତବର୍ଷ ରିପୋର୍ଟ ଭାରତ ପାଇଁ ଚିନ୍ତା ବଢାଇଛି । ୧୨୧ଟି ଦେଶ ମଧ୍ୟରୁ ଭାରତର ସ୍ଥାନ ୧୦୭ରେ ରହିଛି । ଏହି ତାଲିକାରେ ଯୁଦ୍ଧ ପ୍ରପୀଡିତ ସମ୍ମୁଖୀନ ଆଫଗାନିସ୍ତାନକୁ ଛାଡିବା ପରେ ପ୍ରାୟ ଦକ୍ଷିଣ ଏସିଆର ସମସ୍ତ ଦେଶର ପଛରେ ରହିଛି ଭାରତ । ୟୁନିସେଫ୍, ବିଶ୍ୱବ୍ୟାଙ୍କ, ଖାଦ୍ୟ ଓ କୃଷି ସଙ୍ଗଠନ ସମେତ ଜାତିସଙ୍ଘ ଓ ଅନ୍ୟାନ୍ୟ ବହୁଦେଶୀୟ ସଙ୍ଗଠନରୁ ସଂଗୃହୀତ ତଥ୍ୟ ଆଧାରରେ ଏହି ତାଲିକା ପ୍ରସ୍ତୁତି କରାଯାଇଥିବା ନେଇ ରିପୋର୍ଟରେ ଦର୍ଶାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା, ବିଶ୍ୱ କ୍ଷୁଧା ସୂଚୀରେ ପଡୋଶୀ ଦେଶଗୁଡିକ ଭାରତ ତୁଳନାରେ ଭଲ ସ୍ଥିତିରେ ରହିଛନ୍ତି । ଏହି ତାଲିକାରେ ପାକିସ୍ତାନ ୯୯ ର୍ୟାଙ୍କରେ ରହିଥିବା ବେଳେ ଶ୍ରୀଲଙ୍କା ୬୪ ର୍ୟାଙ୍କରେ ରହିଛି । ସେହିପରି ବାଲାଂଦେଶ ୮୪, ନେପାଳ ୮୧ ଏବଂ ମିଆଁମାର ୭୧ ତମ ସ୍ଥାନରେ ଥାଇ ଭାରତ ଉପରେ ରହିଛନ୍ତି । ଅନ୍ୟପଟେ ଚାଇନା, ତୁର୍କୀ, କ୍ୟୁଏତ ଭଳି ୧୭ଟି ଦେଶ ବିଶ୍ୱ କ୍ଷୁଧା ସୁଚୀର ଶୀର୍ଷ ସ୍ଥାନରେ ରହିଛନ୍ତି ।
୨୦୧୪ରୁ ୨୦୨୨ ମଧ୍ୟରେ ଭାରତରେ ଉକ୍ରଟ ଶିଶୁ ଅପପୃଷ୍ଟି ୩୮.୭ ପ୍ରତିଶତରୁ ଖସି ୩୫.୫ ପ୍ରତିଶତ ରହିଛି । ସେହିପରି ଶିଶୁ ମୃତ୍ୟୁହାର ମଧ୍ୟ ୪.୬ ପ୍ରତିଶତରୁ ୩.୩ ପ୍ରତିଶତକୁ ହ୍ରାସ ପାଇଥିବା ନେଇ ରିପୋର୍ଟ ପ୍ରକାଶ ପାଇଛି । ଶନିବାର ଏହି ରିପୋର୍ଟ ସାମ୍ନାକୁ ଆସିବା ପରେ କଂଗ୍ରେସ ସାଂସଦ ପି . ଚିଦାମ୍ବରମ ସିଧାସଳଖ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି, ପ୍ରଧାନମନ୍ତ୍ରୀଙ୍କ ନେତୃତାଧୀନ କେନ୍ଦ୍ର ସରକାର କ୍ଷମତାକୁ ଆସିବା ପରେ ଅର୍ଥାତ୍ ୨୦୧୪ ପରଠାରୁ ବିଶ୍ୱ କ୍ଷୁଧା ସୂଚୀରେ ଭାରତର ସ୍କୋର କ୍ରମାଗତ ଭାବେ ହ୍ରାସ ପାଉଛି ।
୨୦୧୪ରେ ଭାରତର ଜିଏସଆଇ ସ୍କୋର ୨୮.୨ ପ୍ରତିଶତ ରହିଥିବା ବେଳେ ବର୍ତମାନ ଏହା ୨୯.୧ ପ୍ରତିଶତକୁ ବୃଦ୍ଧି ପାଇଛି । ଯାହା ଆଦୌ ଭଲ ସଙ୍କେତ ନୁହେଁ । ଏବେଠୁ ଏଥିପ୍ରତି ଦୃଷ୍ଟି ନଦେଲେ, ଆଗକୁ ସ୍ଥିତି ଆହୁରି ଭୟଙ୍କର ହୋଇପାରେ ବୋଲି ବିଶେଷଜ୍ଞ ମତପ୍ରକାଶ କରିଛନ୍ତି ।