ଆଇଏଏସ୍ ସ୍ତରରେ ଅଦଳବଦଳ: ସୁଶୀଲ ଲୋହାନୀ ହେଲେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ, ୨୦୧୭ ବ୍ୟାଚର ୫ ଆଇଏଏସଙ୍କୁ ମିଳିଲା ପ୍ରଥମ ଦାୟିତ୍ୱ ।
କନକ ବ୍ୟୁରୋ: ଆଇଏଏସ୍ ସ୍ତରରେ ବଡ଼ ଧରଣର ଅଦବଦଳ । ୧୯୯୩ ବ୍ୟାଚ୍ ଆଇଏଏସ୍ ଅଫିସର ତଥା ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ (ସିଇଓ) ଦାୟିତ୍ୱଥିରେ ଥିବା ସୁରେନ୍ଦ୍ର କୁମାର ହେଲେ ଜଳ ସମ୍ପଦ ବିଭାଗର ପ୍ରମୁଖ ସଚିବ । ତେବେ ସୁରେନ୍ଦ୍ରଙ୍କ ସ୍ଥାନରେ ସୁଶୀଲ କୁମାର ଲୋହାନୀଙ୍କୁ ମିଳିଲା ମୁଖ୍ୟ ନିର୍ବାଚନ ଅଧିକାରୀ ଦାୟିତ୍ୱ ।
Kanak News is now on WhatsApp
Join and get latest news updates delivered to you via WhatsApp
#ଆଇଏଏସ_ସ୍ତରରେ_ଅଦଳବଦଳ
ସୁରେନ୍ଦ୍ର କୁମାର ହେଲେ ଜଳସମ୍ପଦ ବିଭାଗ ପ୍ରମୁଖ ସଚିବ
ସୋମେଶ କୁମାର ଉପାଧ୍ୟାୟ- ସିଜିଏମ ଓମଫେଡ
ଅନଭେଷା ରେଡ୍ଡୀ- ଇଡି, ଓଏମସି
ପାଟିଲ ଆଶୀଷ ଇଶ୍ୱର- ଇଡି, ଗ୍ରୀଡକୋ
ଦିବାକର ଟିଏସ- ଓଏସଡି, ଓସିଏସସି#IAS #Odisha pic.twitter.com/dIEi7JrmZ5— Kanak News (@kanak_news) October 3, 2019
ସବୁଠାରୁ ବଡ଼କଥା ହେଲା, ୨୦୧୭ ବ୍ୟାଚର ଆଇଏଏସ୍ ଅଫିସର ସୋମେଶ କୁମାର ଉପାଧ୍ୟାୟଙ୍କୁ ଓମଫେଡ୍ ସିଜିଏମ୍ ଦାୟିତ୍ୱ ଦେଇଥିବାବେଳେ ୨୦୧୭ ବ୍ୟାଚର ଆଇଏଏସ୍ ଅଫିସର ପି ଅନ୍ୱେଶା ରେଡ୍ଡିଙ୍କୁ ଓଏମସିର ଇଡି ଭାବେ ଦାୟିତ୍ୱ ଦେଇଛନ୍ତି ରାଜ୍ୟ ସରକାର । ସେହିପରି ୨୦୧୭ ବ୍ୟାଚର ପାଟିଲ ଆଶିଷ ଇଶ୍ୱରଙ୍କୁ ମଧ୍ୟ ଗ୍ରୀଡକୋ ଇଡି ଦାୟିତ୍ୱ ପ୍ରଦାନ କରାଯାଇଛି ।
ସେପଟେ ୨୦୧୭ ବ୍ୟାଚର ଅନ୍ୟ ଦୁଇ ନବ ନିଯୁକ୍ତ ଆଇଏଏସ୍ ଅଫିସର ଦିବାକର ଟି.ଏସଙ୍କୁ ଓକାକର ଓଏସଡି ଦାୟିତ୍ୱ ମିଳିଥିବାବେଳେ, ହେମକାନ୍ତ ସାୟଙ୍କୁ ଓଟିଡିସିର ଭାରାପ୍ରାପ୍ତ ନିର୍ଦ୍ଦେଶକ ଦାୟିତ୍ୱ ପ୍ରଦାନ କରାଯାଇଛି । ତେବେ ୨୦୧୭ ବ୍ୟାଚର ଏହି ୫ ଆଇଏଏସ୍ ଅଫିସରଙ୍କୁ ପ୍ରଥମ କରି ରାଜ୍ୟ ସରକାରଙ୍କ ବିଭିନ୍ନ ବିଭାଗୀୟ ଦାୟିତ୍ୱ ପ୍ରଦାନ କରାଯାଇଛି ।