ଭାରତୀୟ ଫାଇଟର ଏୟାରକ୍ରାଫ୍ଟ ବାୟୁସେନା ବିମାନ ଜାଗୁଆର ଦୁର୍ଘଟଣାଗ୍ରସ୍ତ ହୋଇଛି । ଗୁଜରାଟର କଚ୍ଛ ଜିଲ୍ଲା ବିବର ଗ୍ରାମ ନିକଟରେ ଏହି ଦୁର୍ଘଟଣା ହୋଇଥିବା ସୁଚନା ମଳିଛି । ଆଇଏଏଫ ଅଧିକାରୀଙ୍କ ସୁଚନା ମୁତାବକ, ଭୁଜ ଏୟାର ବେସରୁ ପ୍ରତିଦିନ ଭଳି ଜାଗୁଆର ଫାଇଟର ବିମାନ ରୁଟିନ୍ ପରୀକ୍ଷଣରେ ବାହାରିଥିଲା । ତେବେ ଏହି ଦୁର୍ଘଟଣାରେ ଜାଗୁଆର ପାଇଲଟ ମୃତ୍ୟୁ ହୋଇଥିବା ସୁଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଜାଗୁଆର ଫାଇଟର ଏୟାରକ୍ରାଫ୍ଟ ବିମାନର ଦୁର୍ଘଟଣା ଭୁଜ ଏୟାର ବେସ ଠାରୁ ୩୦ କିଲୋମିଟର ଦୂରରେ ହୋଇଥିବା ଜଣା ପଡିଛି । ସକାଳ ପାଖାପାଖି ୧୦ଟା ୩୦ ମିନିଟ ସମୟରେ ଦୁର୍ଘଟଣା ଘଟିଛି । ତେବେ କେଉଁ କାରଣରୁ ଦୁର୍ଘଟଣା ଘଟିଛି ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ । ବିବର ଠାରେ ଦୁର୍ଘଟଣାଗ୍ରସ୍ତ ହୋଇଥିବା ଫାଇଟର ଏୟାରକ୍ରାଫ୍ଟ ଜାଗୁଆର ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି ।
ଦୁର୍ଘଟଣାସ୍ଥଳ ଠାରୁ ୩୦ କିଲୋମିଟର ଦୂରରେ ଥିବା ଭୁଜ ଏୟାରବେସର କମାଣ୍ଡର ଘଟଣା ସ୍ଥଳରେ ପହଁଚିଛନ୍ତି । ସୁଚନା ମୁତାବକ ଜାଗୁଆର ଭାରତୀୟ ବାୟୁସେନାର ଏକ ପ୍ରମୁଖ ଫାଇଟର ବିମାନ ଭାବେ ପରିଚିତ । ଶତୁର ସୀମାମଧ୍ୟକୁ ଗତୀଶିଳ ଭାବେ ପ୍ରବେଶ କରିବାର କ୍ଷମତା ଏହି ଜାଗୁଆର ବିମାନର ଥିଲା । କିନ୍ତୁ ହଠାତ୍ କେଉଁ କାରଣରୁ ଏଭଳି ଘଟିଲା ସେ ନେଇ ଆଇଏଏଫ ବରିଷ୍ଠ ଅଧିକାରୀ ଯାଞ୍ଚ କରୁଛନ୍ତି ।