ଆଜି ଆସିବ ୫ ରାଜ୍ୟର ବିଧାନସଭା ଫଳ : ସକାଳ ୮ଟାରୁ ଭୋଟ ଗଣତି; ଉତ୍ତରପ୍ରଦେଶରେ କାହାକୁ ମିଳିବ ରାଜସିଂହାସନ, ବନବାସରେ ଯିବ କିଏ ?
କନକ ବ୍ୟୁରୋ : ଆଜି ଆସିବ ୫ଟି ରାଜ୍ୟର ବିଧାନସଭା ନିର୍ବାଚନ ଫଳାଫଳ । ଉତ୍ତରପ୍ରଦେଶ, ପଞ୍ଜାବ, ଉତରାଖଣ୍ଡ, ଗୋଆ, ମଣିପୁରରେ କାହାକୁ ମିଳିବ ଜନାଦେଶ, କେଉଡଁ ଦଳ ଗଠନ କରିବ ସରକାର , ସନ୍ଧ୍ୟା ସୁଦ୍ଧା ଜଣାପଡିବ । ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ । ସବୁଥର ଭଳି ପ୍ରଥମେ ପୋଷ୍ଟାଲ ବାଲାଟ ଗଣତି ହେବ ଓ ପରେ ଇଭିଏମ ଖୋଲାଯିବ । ଉତ୍ତରପ୍ରଦେଶର ୪୦୩ ଆସନ, ପଂଜାବର ୧୧୭ ଆସନ, ଉତ୍ତରାଖଣ୍ଡ ୭୦, ମଣିପୁରର ୬୦ ଓ ଗୋଆର ୪୦ ଆସନରେ ପ୍ରତିଦ୍ୱନ୍ଦ୍ୱିତା କରିଥିବା ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ୍ ହୋଇ ରହିଛି । ଏବେ ସମସ୍ତଙ୍କ ନଜର ଇଭିଏମରୁ ଜନତାଙ୍କ ନିଷ୍ପତି କଣ ଆସୁଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବୁଥ ବାହୁଡା ମତ ଆଧାରରେ କରାଯାଇଥିବା ପୋଲସ ରିପୋର୍ଟରେ ୟୁପିରେ ଯୋଗୀ ସରକାର ପୁଣି କ୍ଷମତାକୁ ଫେରୁଥିବା ଜଣାପଡିଛି । ସେହିପରି ପଂଜାବରେ ଆମ ଆଦମୀ ପାର୍ଟି ବହୁମତ ପାଇ ସରକାର ଗଢୁଥିବା ଏକଜିଟ ପୋଲ ରିପୋର୍ଟ ଆସିଛି । ଯଦି ଏହା ସତ ହୁଏ ତେବେ ପ୍ରଥମ ଥର ପାଇଁ ଅରବିନ୍ଦ କେଜ୍ରିୱାଲଙ୍କ ଆମ ଆଦମୀ ପାର୍ଟି ଦିଲ୍ଲୀର ସୀମା ଡେଇଁ ପଂଜାବରେ ସରକାର ଗଢିବାକୁ ଯାଉଛି । ସେପଟେ ଉତ୍ତରାଖଣ୍ଡ ଓ ଗୋଆରେ ଝୁଲା ସରକାର ଆକଳନ ଏକଜିଟ୍ ପୋଲ୍ ରିପୋର୍ଟ ଆସିଥିବାରୁ, ଏହି ଦୁଇ ରାଜ୍ୟରେ ରାଜନୈତିକ ଗତିବିଧି ବଢିଯାଇଛି । ମଣିପୁରରେ ବିଜେପି ଏକକ ବୃହତ ଦଳ ଭାବେ ଉଭା ହୋଇ ସରକାର ଗଢିବ ବୋଲି ବୁଥ ବାହୁଡା ମତରୁ ଆକଳନ କରାଯାଇଛି ।