ଚିରା ଫଟା ନୋଟକୁ କଣ କରିଥାଏ ବ୍ୟାଙ୍କ ? ନୋଟ ଦୁଇଖଣ୍ଡ ହୋଇଯାଇଥିଲେ ବ୍ୟାଙ୍କରେ ପରିବର୍ତ୍ତନ କରିପାରିବେ କି ନାହିଁ? ଜାଣନ୍ତୁ…
କନକ ବ୍ୟୁରୋ : ସାଧାରଣତଃ ନୋଟ୍ ଫାଟିଗଲେ କିମ୍ବା ଚିରିଗଲେ ଆମେ ତାକୁ ନେଇ ବ୍ୟାଙ୍କରେ ପରିବର୍ତ୍ତନ କରାନେଇଥାଉ । କାହିଁକିନା ନୋଟ୍ ଟିକେ ବି ଚିରିଯାଇଥିଲେ ତାକୁ କୌଣସି ଲୋକ ଗ୍ରହଣ କରିନଥାନ୍ତି । କି ସେହି ନୋଟକୁ ସାଇତି ରଖାଯାଇ ପାରିନଥାଏ । ଏଭଳି ପରିସ୍ଥିତିରେ ଲୋକେ ଚିରା ନୋଟକୁ ବ୍ୟାଙ୍କରେ ନେଇ ପରିବର୍ତ୍ତନ କରାଇ ଆଣିଥାନ୍ତି । କିନ୍ତୁ କେବେ ଭାବିଛନ୍ତି, ଆପଣ ବ୍ୟାଙ୍କକୁ ଦେଇଥିବା ଚିରା ନୋଟର କଣ ହୋଇଥାଏ । ଆସନ୍ତୁ ଜାଣିବା…
ନୋଟ ଯେଉଁଭଳି ଭାବେ ଚିରିଥାଉନା କାହିଁକି ତାକୁ ବ୍ୟାଙ୍କରେ ପରିବର୍ତ୍ତନ କରାଯାଇପାରିବ । ଏପରିକି ନୋଟ୍ ଦୁଇଖଣ୍ଡ ହୋଇଯାଇଥିଲେ ବି ନୋଟକୁ ବ୍ୟାଙ୍କରେ ପରିବର୍ତ୍ତନ କରାଯାଇପାରିବ । କିନ୍ତୁ ଧ୍ୟାନ ଦେବାର କଥା ଏହାଯେ, ନୋଟର ଅବସ୍ଥା ଯେତେ ଖରାପ ହେବ ଟଙ୍କାର ମୂଲ୍ୟ ସେତିକି କମିଯିବ । ରିଜର୍ଭ ବ୍ୟାଙ୍କ୍ ଅଫ ଇଣ୍ଡିଆର ନିୟମ ୨୦୦୯ ଅନୁସାରେ ଏବାବଦରେ ସମସ୍ତ ତଥ୍ୟ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ବ୍ୟାଙ୍କୁ ନେଇଥିବା ଚିରା ଟଙ୍କାର ୫୦ପ୍ରତିଶତ ଅଶଂ ଆପଣଙ୍କ ପାଖରେ ଅଛି ତେବେ ଯାଇଁ ଆପଣଙ୍କୁ ବ୍ୟାଙ୍କ୍ ଚିରା ନୋଟ ବଦଳରେ ଟଙ୍କା ଦେବ । ନଚେତ କିଛି ବି ପଇସା ଆପଣଙ୍କୁ ମିଳିବ ନାହିଁ । ଏହା ସହିତ ଯଦି ଆପଣ ୨୦ରୁ ଅଧିକ ନୋଟ୍ କିମ୍ବା ୫ହଜାରରୁ ଅଧିକ ଟଙ୍କାର ଚିରା ନୋଟକୁ ପରିବର୍ତ୍ତନ କରିବାକୁ ଚାହୁଁଛନ୍ତି ତାହେଲେ ଏଥିପାଇଁ ଆପଣଙ୍କୁ ଟ୍ରାଞ୍ଜାକସନ୍ ଫି ଦେବାକୁ ପଡିବ । ଏବେ ଆସନ୍ତୁ ଜାଣିବା ଏହି ନୋଟକୁ ବ୍ୟାଙ୍କ କଣ କରିଥାଏ ।
ଯେଉଁ ନୋଟ୍ ଫାଟିଯାଇଛି ସେହି ନୋଟକୁ ଆରବିଆଇ ବନ୍ଦ କରିଦେଇଥାଏ । ଅର୍ଥାତ୍ ସେହି ନୋଟର ପ୍ରଚଳନ ବନ୍ଦ ହୋଇଯାଇଥାଏ । ଚିରିଯାଇଥିବା ନୋଟ୍ ସ୍ଥାନରେ ଅନ୍ୟ ନୋଟ୍ ଛପାଯାଇଥାଏ । ଏହା ବି ଆରବିଆର ଦାୟିତ୍ୱ ହୋଇଥାଏ । ପୂର୍ବରୁ ଏପରି ନୋଟକୁ ଜାଳିଦିଆଯାଉଥିଲା ଅବା ଚିରା ନୋଟକୁ ଛୋଟ ଛୋଟ ଖଣ୍ଡ କରି ତାକୁ ରିସାଇକେଲ୍ କରିଦିଆଯାଉଥିଲା ।