କନକ ବ୍ୟୁରୋ: ଗୋଟିଏ ବୁନ୍ଦା ପାଣି ପାଇଁ ସଂଘର୍ଷ କରୁଥିବା କତାର । ନିକଟରେ ଏଠାରେ ବିଶ୍ୱକପ ଫୁଟବଲ ଶେଷ ହୋଇଛି । ଏଥିପାଇଁ ପ୍ରସ୍ତୁତ ହୋଇଥିବା ଷ୍ଟାଡିୟମ ଗୁଡିକ ବେସ ସବୁଜ ସୁନ୍ଦର ବି ଦେଖାଯାଉଥିଲା । କାରଣ ଏହି ଘାସ ଉପରେ ହଜାର ହଜାର ଲିଟର ପାଣି ପ୍ରତିଦିନ ସିଞ୍ଚନ କରାଯାଉଥିଲା । ମରୁଭୂମି ମାହୋଲରେ ଘାସ ଉପରେ ଖେଳିବା ପାଇଁ ପଡିଆ ପ୍ରସ୍ତୁତ କରିବା କତାର ପାଇଁ ଏତେ ସହଜ ନଥିଲା । ମାଟିକୁ ଓଦା ରଖିବା ଏବଂ ସବୁଜ ସୁନ୍ଦର ରଖିବା ଗୋଟିଏ ବଡ ଚ୍ୟାଲେଞ୍ଜ । ତେବେ ଏଥିପାଇଁ ଗୋଟିଏ ଜ୍ଞାନକୌଶଳର ସାହାର୍ଯ୍ୟ ନେଇଥିଲା କତାର । ଏହା ଦ୍ୱାରା ଲୋକଙ୍କୁ ପାଣି ମିଳିବା ସହ ପଡିଆର ରକ୍ଷଣାବେକ୍ଷଣ କରାଯାଇପାରୁଛି ।
Kanak News is now on WhatsApp
Join and get latest news updates delivered to you via WhatsApp
କତାର ବିଶ୍ୱକପରେ ପଡିଆକୁ ଖେଳିବା ଉପଯୋଗୀ କରିବା ପାଇଁ ପ୍ରତ୍ୟେକ ଦିନ ୧୦ ହଜାର ଲିଟର ପାଣିର ବ୍ୟବହାର କରାଯାଉଥିଲା । ଯଦି ଏହି କାର୍ଯ୍ୟକ୍ରମ ପ୍ରଥମ ତିଆରି ହୋଇଥିବା ଯୋଜନା ଅନୁସାରେ ଗ୍ରୀଷ୍ମଋତୁରେ ହୋଇଥାନ୍ତା ତେବେ ପ୍ରତ୍ୟେକ ଦିନ ୫୦ ହଜାର ଲିଟର ପାଣିର ଆବଶ୍ୟକତା ହୋଇଥାନ୍ତା । କତାର ସମୁଦ୍ର ଉପକୂଳରେ ଥିବା କାରଣରୁ ଏଠାରେ ପାଣି ଉପଲବ୍ଧ ରହିଛି । କିନ୍ତୁ, ଏହି ପାଣି ଲୁଗାପଟା ଧୋଇବା ଉପଯୋଗୀ ନୁହେଁ । ଏହା ଏତେ ପରିମାଣରେ ଖାରା ଯେ ଏହାକୁ ସିଧା ଉପଯୋଗ କରାଯାଇପାରିବ ନାହିଁ । କତାରରେ ପଡିଆକୁ ଡିସୋଲିନେସନ ପ୍ରକ୍ରିୟାରେ ପ୍ରସ୍ତୁତ କରାଯାଇଛି । କତାରରେ ଘରୋଇ ଉପଯୋଗ ପାଇଁ ଏହି ପାଣିକୁ ୧୦୦ ପ୍ରତିଶତ ବ୍ୟବହାର କରାଯାଇଥାଏ । ପାଣିରେ ଅଧିକ ଲବଣ ଅଂଶ କାରଣରୁ ଏହା ଖାରା । ଡିସୋଲିନେସନ ପ୍ରକ୍ରିୟା ସମୟରେ ସମୁଦ୍ରରୁ ଖାରା ପାଣିକୁ ନିଆଯାଇ ଏଥିରେ ଥିବା ଲବଣ ଅଂଶ ଏବଂ ଅଶୁଦ୍ଧିକୁ ବାହାର କରିଦିଆଯାଏ । ଏହାକୁ ଶୁଦ୍ଧ କରି ଲୁଗାପଟା ଧୋଇବା ଠାରୁ ନେଇ ପିଇବା ଉପଯୋଗୀ କରାଯାଇଥାଏ । କତାରରେ ପାଣିକୁ ଶୁଦ୍ଧ ପାଇଁ ଏହି ପ୍ରକ୍ରିୟାକୁ ଆପଣାଯାଇଥାଏ ।
କତାର ପାଇଁ ଏହା ସବୁଠାରୁ ବଡ କାମ ଥିଲା । କତାରରେ ନା ନଦୀ ଅଛି ନା ଏଠାରେ ଅଧିକ ବର୍ଷା ହୋଇଥାଏ । ଏହାହିଁ କାରଣ ଯେ ଏଠାରେ ଲୋକେ ପାଣି ପାଇଁ ସଂଘର୍ଷ କରିଥାନ୍ତି । ବିଶ୍ୱକପ ଦେଖିବା ପାଇଁ ଅନେକ ସଂଖ୍ୟାରେ ଲୋକଙ୍କ ଆଗମନ ସେଠାକୁ ହୋଇଥିଲା । ଏହି ଭଳି ସ୍ଥିତିରେ ଅଧିକ ୧୦ ପ୍ରତିଶତ ପାଣିର ଆବଶ୍ୟକତା ପଡିଥିଲା । ପୂର୍ବରୁ ଏଠାରେ ୨୯ ଲକ୍ଷ ଲୋକ ରହୁଥିବା ବେଳେ ପାଣିର ଆବଶ୍ୟକତା ପୂରଣ ପାଇଁ ଅନେକ ଅସୁବିଧାର ସାମ୍ନା କରାଯାଉଥିଲା ।
ବିଶ୍ୱକପକୁ ଆଖିରେ ରଖି ଜରୁରୀକାଳୀନ ସ୍ଥ୍ତି ପାଇଁ ରାଜଧାନୀ ଦୋହାର ଉତ୍ତର ଅଂଶରେ ୪ ଲକ୍ଷ ୨୫ ହଜାର ବର୍ଗ ମିଟର ସବୁଜ ଘାସ ପ୍ରସ୍ତୁତ କରି ରଖାଯାଇଥିଲା । କତାରରେ ଡିସୋଲିନେସନ ଜରିଆରେ ଅଧିକ ମାତ୍ରାରେ ବ୍ୟବହାର ଉପଯୋଗୀ ଜଳ ପ୍ରସ୍ତୁତ କରାଯାଇଥିଲା । ଆଗାମୀ ଦିନରେ ପାଣି ପାଇଁ ଦେଶକୁ ଆହୁରି ଅଧିକ କିଛି କରିବାକୁ ପଡିବ । ଖାରା ଜଳକୁ ସ୍ୱଚ୍ଛ ଜଳ କରିବା ପାଇଁ ଉର୍ଜାର ଗୋଟିଏ ବଡ ଅଂଶ ଖର୍ଚ୍ଚ ହୋଇଥାଏ । ବର୍ତ୍ତମାନ ଏଠାରେ ହାଇଡ୍ରୋ କାର୍ବନ ଜରିଆରେ ଉର୍ଜା ପ୍ରସ୍ତୁତ କରାଯାଉଛି । ତେବେ ବିଶେଷଜ୍ଞମାନେ ସୌର ଶକ୍ତିର ବିକଳ୍ପ ପ୍ରସ୍ତୁତ କରିବା ପାଇଁ ସୂର୍ଯ୍ୟଙ୍କ ପାଖରୁ ଆସୁଥିବା ଉତ୍ତାପକୁ ବ୍ୟବହାର କରି ପାଣିରୁ ବାଷ୍ପ ତିଆରି କରାଯାଇ ଉର୍ଜା ପ୍ରସ୍ତୁତ କରାଯିବ । ଏହି ପ୍ରକ୍ରିୟାରେ ମଧ୍ୟ ଖାରା ପାଣିର ଅଶୁଦ୍ଧି ଦୂର କରି ପିଇବା ଉପଯୋଗୀ କରାଯାଉଛି ।