ଫେରିବା ପାଇଁ ଜୋରଦାର ପ୍ରସ୍ତୁତି କରୁଛନ୍ତି ହନି ସିଂ ! ପୁଣିଥରେ ବଲିଉଡରେ ଧୁମ ମଚାଇବେ ଲୋକପ୍ରିୟ ରାପର
କିଛି ସମୟ ପୂର୍ବରୁ ବଲିଉଡକୁ ଜଣେ ପପ୍ ସିଙ୍ଗର ଆସିଲେ ଓ ଅତି କମ୍ ଦିନରେ ଖୁବ୍ ଲୋକପ୍ରିୟ ହୋଇଯାଇଥିଲେ । ପ୍ରାୟ ସମସ୍ତଙ୍କ ମୁହଁରେ ତାଙ୍କର ଗୀତ ଶୁଣିବାକୁ ମିଳୁଥିଲା । ଖାସ୍ କରି ଯୁବପୀଢ଼ିଙ୍କ ମଧ୍ୟରେ ବେଶ୍ ଲୋକପ୍ରିୟ ହୋଇଥିଲେ ଏହି ସିଙ୍ଗର୍ । କିନ୍ତୁ ଅଚାନକ୍ ସେ ଗାୟବ ହୋଇଗଲେ ଏବଂ ପ୍ରଶଂସକଙ୍କୁ ତାଙ୍କର କୌଣସି ଖୋଜ୍ ଖବର ମିଳିଲା ନାହିଁ । ସେହି ଲୋକପ୍ରିୟ ଗାୟକ ହେଉଛନ୍ତି ହନି ସିଂ । ହନି ସିଂ ଏକା ଧାରରେ ଜଣେ ଗାୟକ, ସଙ୍ଗୀତ ନିର୍ମାତା ଏବଂ କଳାକାର ଭାବେ ବେଶ ପରିଚିତ । ତାଙ୍କର ନିଆରା ଗାୟନ ଶୈଳୀ ପାଇଁ ସେ ବେଶ୍ ପରିଚିତ ।
Kanak News is now on WhatsApp
Join and get latest news updates delivered to you via WhatsApp
ବଲିଉଡ ସିନେମାର ଗୀତ ଏବଂ ନିଜ ଆଲବମ ମାଧ୍ୟମରେ ଧୁମ ମଚାଇଥିବା ହନିସିଙ୍ଗ କୋଟି କୋଟି ଦର୍ଶକଙ୍କ ହୃଦୟକୁ କିଣି ପାରିଛନ୍ତି । କିନ୍ତୁ ବହୁ ଦିନ ଧରି ସେ ଗଣମାଧ୍ୟମ ଓ କ୍ୟାମେରା ଠାରୁ ଦୂରରେ ରହିଥିଲେ । ବାସ୍ତବରେ ବାଇପୋଲର ଡିଜଓଡ଼ର ଯୋଗୁଁ ସେ ଦୁଇ ବର୍ଷ ହେବ କାର୍ଯ୍ୟରୁ ବ୍ରେକ ନେଇଥିଲେ । ଇଣ୍ଡଷ୍ଟ୍ରିରେ ତାଙ୍କର ଅନୁପସ୍ଥିତି ବାଦଶାହ ଏବଂ ରଫତାରଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଥିଲା । ବହୁ ଦିନ ହେବ ଦର୍ଶକ ହନି ସିଂଙ୍କର କୌଣସି ଗୀତ ଶୁଣିବାକୁ ପାଇ ନାହାନ୍ତି । କିନ୍ତୁ ଏବେ ଲାଗୁଛି ଦର୍ଶକ ଖୁବଶୀଘ୍ର ହନିଙ୍କର ରାପ ପୁଣି ଥରେ ଶୁଣିବାକୁ ପାଇବେ ।
ନିକଟରେ ହନି ଗଙ୍ଗା ନଦୀ କୂଳରେ ବସିଥିବା ଏକ ଫଟୋ ଟ୍ୱିଟରରେ ସେୟାର କରିଛନ୍ତି । ଖବର ମୁତାବକ ହନି ତାଙ୍କର ଆଗାମୀ ଆଲବମ ପାଇଁ ଗୀତ ଲେଖୁଛନ୍ତି । ସେ ଟ୍ୱିଟରରେ ଲେଖିଛନ୍ତିଯେ ଗଙ୍ଗା ନଦୀ କୂଳରେ ବସି ଚିଲ କରୁଛି ଏବଂ ଗୀତ ମଧ୍ୟ ଲେଖୁଛନ୍ତିି । ଡୋପ ସୋପ,ବ୍ଲୁ ଆଇଜ,୪ ବୋତଲ ଭୋଡ଼କା ଏବଂ ହାଇ ହିଲସ ଭଳି ସାନଦାର ଗୀତରେ ଧୁମ ମଚାଇଥିବା ହନି ସିଂ ନିଶା ଦ୍ରବ୍ୟ ସହିତ ଖୁବ ଅଭ୍ୟସ୍ତ ଥିଲେ । ସେ ରିହାବିଲେଟେସନ ସେଂଟରକୁ ମଧ୍ୟ ଯାଇଥିଲେ । କିନ୍ତୁ ନିଶାଖୋର ହୋଇଥିବାରୁ ତାଙ୍କ ରୋଗ ବଢି ଯାଇଥିଲା । ତେବେ ଦେଖାଯିବ ହନି ତାଙ୍କ ନୂଆ ଗୀତ ସହିତ କେଉଁଭଳି ଭାବରେ ଇଣ୍ଡଷ୍ଟ୍ରିକୁ ଫେରୁଛନ୍ତି ।