ଗରିବ କିଏ? କାହାକୁ ଗରିବର ଟ୍ୟାଗ୍ ଦେଲା ବିଶ୍ୱବ୍ୟାଙ୍କ, ଆପଣ ନାହାନ୍ତି ତାଲିକାରେ?
କନକ ବ୍ୟୁରୋ : କାହାକୁ କହିବା ଗରିବ, ଏନେଇ ମାନକ ଧାର୍ଯ୍ୟ କଲେ ବିଶ୍ୱବ୍ୟାଙ୍କ । ଦାରିଦ୍ର୍ୟ ଗଣନା ପାଇଁ ଆଣିଲେ ନୂଆ ଗାଇଡଲାଇନ୍ । ଏହି ଗାଇଡଲାଇନ୍ ଅନୁସାରେ ଦୈନିକ ୧୬୭ଟଙ୍କାରୁ କମ୍ ଆୟ କରୁଥିବା ବ୍ୟକ୍ତି ଅତି ଗରିବ ଶ୍ରେଣୀରେ ଆସିବେ । ଆଉ ଏହା ଅନେକ ଗରିବ ଶ୍ରେଣୀର ବ୍ୟକ୍ତିଙ୍କ ପାଇଁ ସହାୟକ ହେବ ବୋଲି ବିଶେଷଜ୍ଞ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୈନିକ ୧୬୭ ଟଙ୍କାରୁ କମ ଆୟ କରୁଥିବା ବ୍ୟକ୍ତିଙ୍କୁ ଅତି ଗରିବ ତାଲିକାରେ ସାମିଲ କରିବାକୁ ଗାଇଡଲାଇନ ଜାରି କରିଛି ବିଶ୍ୱ ବ୍ୟାଙ୍କ । ପୂର୍ବରୁ ଏହା ୧୪୫ ଟଙ୍କା ଥିବାବେଳେ ଏବେ ଏଥିରେ ପରିବର୍ତନ କରିଛି ବିଶ୍ୱ ବ୍ୟାଙ୍କ ।
ବିଶ୍ୱ ବ୍ୟାଙ୍କର ଏଭଳି ଗାଇଡଲାଇନକୁ ଆମ ସରକାର ମାନିବା ବାଧ୍ୟତାମୁଳକ ନୁହଁ ବୋଲି ବିଶେଷଜ୍ଞ କହିଛନ୍ତି । ତେବେ ଭାରତ ଭଳି ଦେଶରେ ଦାରିଦ୍ର୍ୟକୁ ନେଇ ରାଜନୀତି ହେବା କିଛି ନୁଆ ନୁହଁ । ସେଥିପାଇଁ ଦାରିଦ୍ର୍ୟର ମାନ ନେଇ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କର ପରିଭାଷା ଭିନ୍ନ ଭିନ୍ନ ରହିଛି । ନିଜ ସୁବିଧା ଅନୁଯାୟୀ ଉଭୟ ନିଜର ଯୋଜନା ପରିବର୍ତନ କରୁଥିବା ବିଶେଷଜ୍ଞ କହିଛନ୍ତି ।
କୋଭିଡ ମହାମାରୀ ଯୋଗୁ ସମଗ୍ର ବିଶ୍ୱର ଅର୍ଥନୀତି ଦୋହଲିଯାଇଛି । ସାଧାରଣ ଜନତାଙ୍କ ଆର୍ଥିକ ସ୍ଥିତି ଦୁର୍ବଳ ହୋଇଯାଇଛି । ଏଭଳି ପରିସ୍ଥିତିରେ ଅତି ଗରିବ ଶ୍ରେଣୀର ନୂତନ ମାନକ ନିର୍ଧାରଣ ଅନେକଙ୍କୁ ସହାୟକ ହୋଇପାରେ ବୋଲି ଆଶା କରାଯାଉଛି ।