ବଜେଟ୍ ପୂର୍ବରୁ କେନ୍ଦ୍ର ସରକାରଙ୍କୁ ବଡ ଆଶ୍ୱସ୍ତି : ଜାନୁୟାରୀ ମାସରେ ଦ୍ୱିତୀୟ ସର୍ବାଧିକ ଜିଏସଟି ସଂଗ୍ରହ
କନକ ବ୍ୟୁରୋ : ବଜେଟ୍ ପୂର୍ବରୁ କେନ୍ଦ୍ର ସରକାରଙ୍କୁ ବଡ଼ ଆଶ୍ୱସ୍ତି ମିଳିଛି । ସରକାର ଜାନୁଆରୀ ମାସରେ ଦ୍ୱିତୀୟ ସର୍ବାଧିକ ଜିଏସଟି ସଂଗ୍ରହ କରିଛନ୍ତି । ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ଜାନୁଆରରେ ଜିଏସଟି ସଂଗ୍ରହ ୧ଲକ୍ଷ ୫୫ହଜାର କୋଟି ଟଙ୍କା ଅତିକ୍ରମ କରିଛି । ୨୦୨୩ ଜାନୁଆରୀ ମାସ ୩୧ ତାରିଖ ସନ୍ଧ୍ୟା ୫ଟା ସୁଦ୍ଧା ମୋଟ ଜିଏସଟି ରାଜସ୍ୱ ୧ଲକ୍ଷ ୫୫ହଜାର ୯୨୨ କୋଟି ଟଙ୍କା ବୋଲି ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ୨୮ହଜାର ୯୬୩ କୋଟି ଟଙ୍କାର ସିଜିଏସଟି, ୩୬ହଜାର ୭୩୦ କୋଟି ଟଙ୍କାର ଏସଜିଏସଟି, ୭୯ହଜାର ୫୯୯ କୋଟି ଟଙ୍କା ଆଇଜିଏସଟି ଏବଂ ସେସ୍ ୧୦ଜହାର ୬୩୦ କୋଟି ଆମଦାନୀ ବାବଦରେ ସଂଗ୍ରହ କରାଯାଇଛି । ଚଳିତ ଆର୍ଥିକ ବର୍ଷରେ ୨୦୨୩ ଜାନୁଆରୀ ସୁଦ୍ଧା ରାଜସ୍ୱ ଆଦାୟ ଗତବର୍ଷ ଏହି ଅବଧିର ଜିଏସଟି ରାଜସ୍ୱ ତୁଳନାରେ ୨୪ ପ୍ରତିଶ ଅଧିକ ରହିଛି । ଚଳିତ ଆର୍ଥିକ ବର୍ଷରେ ତୃତୀୟ ଥର ପାଇଁ ଜିଏସଟି ଆଦାୟ ୧ଲକ୍ଷ ୫୦ହଜାର କୋଟି ଟଙ୍କା ଅତିକ୍ରମ କରିଛି । ଏପ୍ରିଲ ୨୦୨୨ରେ ୧ଲକ୍ଷ ୬୮ହଜାର କୋଟି ଟଙ୍କାର ଜିଏସଟି ଆଦାୟ ପରେ ୨୦୨୩ ଜାନୁଆରୀ ମାସରେ ଜିଏସଟି ଆଦାୟ ହେଉଛି ଦ୍ୱିତୀୟ ସର୍ବାଧିକ ।