ମହାପ୍ରସାଦ ପାଇଁ ଆବଶ୍ୟକ ନାହିଁ ଜିଆଇ ଟ୍ୟାଗ ! ବିଧାନସଭାରେ ଆଇନ ମନ୍ତ୍ରୀଙ୍କ ଜବାବ
କନକ ବ୍ୟୁରୋ : ଜଗନ୍ନାଥ ମହାପ୍ରସାଦର ଜିଆଇ ଟ୍ୟାଗ ନେଇ ବିଜେଡି ବିଧାୟକ ପ୍ରିୟଦର୍ଶୀ ମିଶ୍ରଙ୍କ ଏକ ଲିଖିତ ପ୍ରଶ୍ନର ଉତ୍ତର ରଖିଛନ୍ତି ଆଇନମନ୍ତ୍ରୀ ପ୍ରତାପ ଜେନା । ଜଗତରନାଥ ଜଗନ୍ନାଥ କେବଳ ଶ୍ରୀକ୍ଷେତ୍ରରେ ବିରାଜମାନ କରୁଥିବା ସହ ତାଙ୍କ ପ୍ରସାଦକୁ ମହାପ୍ରସାଦର ମାନ୍ୟତା ପୁରାଣରେ ବର୍ଣ୍ଣିତ ହୋଇଥିବା ଆଇନମନ୍ତ୍ରୀ କହିଛନ୍ତି । ଏପରି ପୁରାଣକୁ ଆଧାର କରି ରସଗୋଲା ବି ଓଡିଶାର କହୁଥିଲେ ରାଜ୍ୟ ସରକାର । ତେବେ ଏହାକୁ ବଙ୍ଗଲା ନେଇଗଲା । ପ୍ରଶ୍ନ ଉଠୁଛି, ରାଜ୍ୟ ସରକାରଙ୍କ ହାଲୁକା ମନୋଭାବ ଯୋଗୁ ଓଡିଶାରୁ ମହାପ୍ରସାଦ ଅନ୍ୟ ରାଜ୍ୟକୁ ଚାଲିଯିବନି ତ?
Kanak News is now on WhatsApp
Join and get latest news updates delivered to you via WhatsApp
ବିଶ୍ୱପ୍ରସିଦ୍ଧ ଜଗନ୍ନାଥଙ୍କ ମହାପ୍ରସାଦର ମାଲିକାନା ଅନ୍ୟ କେହି ନେଇ ଯାଇ ପାରନ୍ତି କି ? ଏଭଳି ଆଶଙ୍କା କରି ବିଧାନସଭାରେ ପ୍ରଶ୍ନ ପଚାରିଛନ୍ତି ବିଧାୟକ ପ୍ରିୟଦର୍ଶୀ ମିଶ୍ର । ବାଙ୍ଗଲାର ରସୋଗଲା ପରି ପୁରୀ ମହାପ୍ରସାଦକୁ ଆଉ କେହି ଜିଆଇ ମାନ୍ୟତା ପାଇଁ ଆବେଦନ କରିପାରନ୍ତି ବୋଲି ବିଧାୟକଙ୍କ ପ୍ରଶ୍ନର ଉତ୍ତରରେ ଆଇନମନ୍ତ୍ରୀ ପ୍ରତାପ ଜେନା କହିଛନ୍ତି ସ୍କନ୍ଧ ପୁରାଣରେ ପୁରୀ ମହାପ୍ରସାଦକୁ ନେଇ ବର୍ଣ୍ଣନା ରହିଛି । ଏହା ଛଡା ଉତ୍କଳଖଣ୍ଡ ସମେତ ୨୮ଟି ପ୍ରାଚୀନ ସଂସ୍କୃତ ଶାସ୍ତ୍ରରେ ଏହାକୁ ମହାପ୍ରସାଦର ମାନ୍ୟତା ଦିଆଯାଇଛି । ଏହାକୁ ଆଧାର କରି ମହାପ୍ରସାଦ କେବଳ ଓଡିଶାର ବୋଲି ଦାବି କରୁଛନ୍ତି ରାଜ୍ୟ ସରକାର । ହେଲେ ଗୁଜୁରାଟ ଓ ଦିଲ୍ଲୀରେ ମଧ୍ୟ ବଡ ବଡ ଜଗନ୍ନାଥ ମନ୍ଦିର ରହିଛି । ପୁରୀ ପରି ସେଠାରେ ବି ପ୍ରସାଦ ସେବନ ହୁଏ ଯାହାକୁ ମହାପ୍ରସାଦ କୁହାଯାଏ । ହେଲେ ଯଦି ଏହି ରାଜ୍ୟମାନେ ମହାପ୍ରସାଦର ଜିଆଇ ଟ୍ୟାଗ ପାଇଁ ଆବେଦନ କରନ୍ତି, କେତେ ଦମ୍ଭ ଦେଖାଇବ ଆଇନମନ୍ତ୍ରୀଙ୍କ ଉତ୍ତର ।