ସଙ୍କଟରେ ପାରଳା ରାଜା ଗୋପୀନାଥ ଗଜପତିଙ୍କ ସ୍ୱାସ୍ଥ୍ୟାବସ୍ଥା ! ଛାତିରେ ଯନ୍ତ୍ରଣା ଯୋଗୁଁ ଘରୋଇ ହସ୍ପିଟାଲରେ ଭେଂଟିଲେଟରରେ ଚିକିତ୍ସା ଜାରି
କନକ ବ୍ୟୁରୋ : ଗୁରୁତର ହୋଇପଡିଛନ୍ତି ପାରଳା ମହାରାଜ ଗୋପୀନାଥ ଗଜପତି ନାରାୟଣ ଦେବ । ବର୍ତମାନ ସେ ଗୁରୁତର ଅବସ୍ଥାରେ ଭୁବନେଶ୍ୱର ଆପୋଲୋ ହସ୍ପିଟାଲରେ ଚିକିତ୍ସାଧିନ ଅଛନ୍ତି । ଏମିତିକି ତାଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପର୍ଣ୍ଣ ଥିବା ଯୋଗୁଁ 
ତାଙ୍କୁ ଭେଂଟିଲେଟରରେ ରଖାଯାଇଥିବା ଜଣା ପଡିଛି । ଆଜି ମେଡିକାଲରେ ପହଁଚି ବିଜେପି ବିଧାୟକ ଦଳ ନେତା ତଥା ପାଟଣାଗଡ ରାଜା କନକବର୍ଦ୍ଧନ ସିଂଦେଓ ତାଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ଡାକ୍ତରଙ୍କ ସହ ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ପାରଳା ମହାରାଜ ଗୋପୀନାଥ ଗଜପତି ଅସୁସ୍ଥ ହେବା ପରେ ତାଙ୍କୁ ଚେନ୍ନାଇ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ଗତ ଜାନୁୟାରୀ ମାସରେ ତାଙ୍କୁ ଓଡିଶା ଆପୋଲୋ ହସ୍ପିଟାଲକୁ ଅଣାଯାଇଥିଲା । ମିଳିଥିବା ସୂଚନା ଅନୁସାରେ ପାରଳା ମହାରାଜାଙ୍କ କଫ କାରଣରୁ ତାଙ୍କ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଏହାପରେ ତାଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ଭେଂଟିଲେଟରରେ ରଖାଯାଇଛି । ୨୦୧୫ରେ ପାରଳା ମହାରାଜା ଗୋପୀନାଥ ଗଜପତିଙ୍କୁ ନଜରବନ୍ଦୀ ରଖାଯାଇଥିବା ଗୁଜବ ହୋଇଥିଲା । ଏହାପରେ ପାରଳା ମହାରାଜାଙ୍କ ମ୍ୟାନେଜର ଅନଙ୍ଗମଞ୍ଜରୀ ଓ ତାଙ୍କ ପରିବାର ଆତ୍ମହତ୍ୟା କରିଥିଲେ ।