କନକ ବ୍ୟୁରୋ : ଏବେ ଆମେ ଯେଉଁ ପରିବେଶ ମଧ୍ୟରେ ବାସ କରୁଛୁ ସେହି ପରିବେଶରେ ଜଣେ ସୁସ୍ଥ ମଣିଷର ହାରା ହାରି ଆୟୁଷ ହେଉଛି ୬୦ ବର୍ଷ । ହେଲେ ଥରେ ଭାବନ୍ତୁ ତ ବିଶ୍ୱରେ ଏମିତି କିଛି ପ୍ରଜାତିର କଇଁଛ ରହିଛନ୍ତି ଯେଉଁମାନଙ୍କ ହାରାହାରି ଆୟୁଷ ୭୦ ବର୍ଷରୁ ଅଧିକ । କେବଳ ସେତିକି ନୁହେଁ ଏବେ ସେହି ପ୍ରଜାତିର ଏକ କଇଁଛ ୭୦ ବର୍ଷରେ ବି ବାପା ହୋଇପାରିଛି । ଅର୍ଥାତ ୭୦ ବର୍ଷ ବୟସରେ ବି ତାର ପ୍ରଜନନ କ୍ଷମତା ଅତୁଟ ରହିଛି । ଏହି ପ୍ରଜାତିର କଇଁଛମାନଙ୍କୁ ପ୍ରାଣୀ ବିଜ୍ଞାନ ଭାଷାରେ ଗାଲାପେଗୋସ ପ୍ରଜାତି ବୋଲି କୁହାଯାଏ ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରଜାତିର କଇଁଛ ମାନଙ୍କ ଉପରେ ଅଧ୍ୟୟନ କରୁଥିବା ବୈଜ୍ଞାନିକମାନେ କହନ୍ତି କି, ଏବେ ବିଶ୍ୱରେ ଗାଲାପେଗୋସ ପ୍ରଜାତିର ମାତ୍ର ୧୫ ହଜାର କଇଁଛ ବଞ୍ଚିଛନ୍ତି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି କଇଁଛ ତାଙ୍କ ଜୀବନକାଳରେ ୬ ଫୁଟ ଉଚ୍ଚତା ପର୍ଯ୍ୟନ୍ତ ବଢିପାରନ୍ତି । ଏହାସହ ଏମାନଙ୍କର ଓଜନ ୨୦୦ କେଜି ପର୍ଯ୍ୟନ୍ତ ବୃଦ୍ଧି ପାଇଥାଏ । କଇଁଛଟି ବାପା ହେବା ଜାଣିବା ପରେ ବିଶେଷଜ୍ଞମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ସେମାନେ ତାର ଫିଟନେସ ଟେଷ୍ଟ ମଧ୍ୟ କରାଇଛନ୍ତି ।
ଏବେ ଚର୍ଚ୍ଚାର ବିଷୟ ପାଲଟିଛି ଯେ ବ୍ରିଟେନରେ ଏହି ପ୍ରଜାତିର ଏକ ୭୦ ବର୍ଷିୟ କଇଁଛ ଏବେ ବାପା ହୋଇଛନ୍ତି । ଏହି କଇଁଛର ୨୧ ବର୍ଷିୟା ସାଥୀ ଚାର୍ଲି ଏବେ ୨ ଟି ମାଇ କଇଁଛ ଜନ୍ମ ଦେଇଛି । ଅର୍ନ୍ତଜାତୀୟ ଗଣମାଧ୍ୟମ ‘ଦି ସନ’ ମୁତାବକ ଏହି ଅଣ୍ଡିରା କଇଁଛଟିକୁ ୧୯୬୨ ମସିହାରେ ବ୍ରିଟେନ ଅଣାଯାଇଥିଲା । ତାକୁ ପ୍ରଶାନ୍ତ ମହାସାଗରର ଗାଲାପାଗୋସ ଆଇସଲାଣ୍ଡରୁ ଧରାଯାଇଥିବାରୁ ଏହି ପ୍ରଜାତିର ନାମ ଗାଲାପାଗୋସ ରଖାଯାଇଛି ।