କନକ ବ୍ୟୁରୋ : ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳୀ ଦୀନେଶ ମୋଙ୍ଗିଆ ଏବେ ତାଙ୍କର ରାଜନୈତିକ ପାରି ଆରମ୍ଭ କରିଛନ୍ତି । ସେ ଆଜି ବିଜେପିର ଦିଲ୍ଲୀ ସ୍ଥିତ କାର୍ଯ୍ୟାଳୟରେ ଉପସ୍ଥିତ ରହି ଦଳର ପ୍ରାଥମିକ ସଦସ୍ୟତା ଗ୍ରହଣ କରିଛନ୍ତି । ବିଶେଷ ଭାବେ ଦୀନେଶ ମୋଙ୍ଗିଆ ପଞ୍ଜାବରେ ରହୁଛନ୍ତି । ରାଜ୍ୟରେ ଆଗାମୀ ବର୍ଷ ନିର୍ବାଚନ ଥିବାରୁ ମୋଙ୍ଗିଆଙ୍କୁ ବିଜେପି କୌଣସି ବି ଆସନରୁ ପ୍ରାର୍ଥୀ କରିପାରେ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦିନେଶ ମୋଙ୍ଗିଆ ଭାରତୀୟ କ୍ରିକେଟ ଟିମ୍ ତରଫରୁ ୫୭ ଟି ଏକଦିବସୀୟ ମ୍ୟାଚ କଖେଳିଛନ୍ତି । ସେ ୨୦୦୭ ମସିହାରେ ଢାକା ଠାରେ ବାଂଲାଦେଶ ବିପକ୍ଷରେ ଶେଷ ମ୍ୟାଚ ଖେଳିଥିଲେ । ୨୦୧୯ ମସିହାରେ ମୋଙ୍ଗିଆ ଅର୍ନ୍ତରାଷ୍ଟ୍ରୀୟ କ୍ରିକେଟରୁ ଅବସର ନେଇଥିଲେ । ୨୦୦୩ ବିଶ୍ୱକପରେ ସେ ଭାରତୀୟ ଦଳ ତରଫରୁ ଭାଗ ନେଇଥିଲେ । ଦୀନେଶ ୨୦୦୧ ମସିହାରେ ଇଂଲଣ୍ଡ ବିରୋଧରେ ତାଙ୍କର ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ ।
ମୋଙ୍ଗିଆ ପାଖାପାଖି ୬ ବର୍ଷ ଧରି ଟିମ୍ ଇଣ୍ଡିଆରେ ଭାଗ ନେଇଥିଲେ । ସେ ୫୭ ଟି ଏକଦିବସୀୟ ମ୍ୟାଚ ଖେଳି ଗୋଟିଏ ଶତକ ଓ ୪ ଟି ଅର୍ଦ୍ଧଶତକ ହାସଲ କରିଥିଲେ । ଏକଦିବସୀୟ ମ୍ୟାଚରେ ତାଙ୍କ ନାମରେ ୧୨୩୦ ରନ ରହିଥିବା ବେଳେ ସେ ୧୪ ଟି ୱିକେଟ୍ ମଧ୍ୟ ହାସଲ କରିଛନ୍ତି ।
I want to serve the people of Punjab by joining the Bharatiya Janata Party. Today, there is no other party that can work better than the BJP for the development of the country: Dinesh Mongia at BJP headquarters in Delhi pic.twitter.com/GRey1SC94L
— ANI (@ANI) December 28, 2021
କହିରଖୁ କି ଆସନ୍ତା ବର୍ଷ ପଞ୍ଜାବରେ ବିଧାନସଭା ନିର୍ବାଚନ ହେବାକୁ ଯାଉଛି । ନିର୍ବାଚନ ପୂର୍ବରୁ କଂଗ୍ରେସରେ ଚାଲିଥିବା ଦଳୀୟ କନ୍ଦଳରୁ ଉଭୟ ଆମ୍ ଆଦମୀ ପାର୍ଟି ଓ ବିଜେପି ଲାଭ ଉଠାଇବାକୁ ଚେଷ୍ଟା କରୁଛନ୍ତି ।