ବିଜେପି ଘୋଷଣା କଲା ପ୍ରାର୍ଥୀ ତାଲିକା । କେଶରଗଞ୍ଜରୁ ବ୍ରିଜଭୂଷଣଙ୍କ ପୁଅ ଓ ରାୟବରେଲୀରୁ ଦିନେଶ ପ୍ରତାପଙ୍କୁ ବିଜେପି ଟିକେଟ
କନକ ବ୍ୟୁରୋ : ଲୋକସଭା ନିର୍ବାଚନ କ୍ରମରେ ବିଜେପି ତରଫରୁ ଆଜି ଦୁଇଟି ଗୁରୁତ୍ୱପୂର୍ଣ୍ଣ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି । ଏହି କ୍ରମରେ ଦଳ ଉତ୍ତର ପ୍ରଦେଶର କେଶରଗଞ୍ଜ ଲୋକସଭା ଆସନ ପାଇଁ ସାଂସଦ ଥିବା ବ୍ରିଜଭୂଷଣ ସିଂଙ୍କ ବଦଳରେ ତାଙ୍କ ସାନ ପୁଅ କରନ ଭୂଷଣଙ୍କୁ ଟିକେଟ ଦେଇଛି । ସେହିଭଳି ବହୁପ୍ରତିକ୍ଷୀତ ରାୟବରେଲୀ ଆସନ ପାଇଁ ପାର୍ଟି ଦିନେଶ ପ୍ରତାପ ସିଂଙ୍କୁ ପ୍ରାର୍ଥୀ କରିଛି ।
Kanak News is now on WhatsApp
Join and get latest news updates delivered to you via WhatsApp
କେଶରଗଞ୍ଜ ଆସନ ପାଇଁ ବିଜେପି ଏବେର ସାଂସଦ ବ୍ରିଜଭୂଷଣଙ୍କ ଟିକେଟ କାଟି ତାଙ୍କ ସାନପୁଅ କରଣ ଭୂଷଣଙ୍କୁ ଟିକେଟ ଦେଇଛି । ମହିଳା କୁସ୍ତଯୋଦ୍ଧାଙ୍କ ସହ ଅସଦାଚରଣ ମାମଲାରେ ବ୍ରିଜଭୂଷଣଙ୍କୁ ବ୍ୟାକଫୁଟକୁ ପଠାଇ ଦେଇଛି ବିଜେପି । ହେଲେ ଦଳ ଭିତରେ ବ୍ରିଜଭୂଷଣଙ୍କ ଦବଦବା କାରଣରୁ ତାଙ୍କ ସାନପୁଅଙ୍କୁ ଦଳ ପ୍ରାର୍ଥୀ କରିଛି । କରଣ ଭୂଷଣ ପ୍ରଥମଥର ପାଇଁ ନିର୍ବାଚନ ମଇଦାନକୁ ଓହ୍ଲାଇଛନ୍ତି ।
ସେହିଭଳି ୨୦୧୯ରେ ରାୟବରେଲୀ ଆସନରୁ ବିଜେପି ଟିକେଟରେ ଲଢି ସୋନିଆ ଗାନ୍ଧୀଙ୍କ ଠାରୁ ପରାଜିତ ହୋଇଥିବା ଦିନେଶ ପ୍ରତାପ ସିଂଙ୍କୁ ଦଳ ପୁଣିଥରେ ପ୍ରାର୍ଥୀ କରିଛି । ୨୦୧୯ ମସିହାରେ ସେ ସୋନିଆ ଗାନ୍ଧୀଙ୍କ ଠାରୁ ୧.୬ ଲକ୍ଷ ଭୋଟରେ ପରାଜିତ ହୋଇଥିଲେ । ଅନ୍ୟପଟେ ଉତ୍ତର ପ୍ରଦେଶର ଦୁଇ ହାଇଭୋଲଟେଜ ଆସନ ରାୟବରେଲୀ ଓ ଆମେଠୀ ପାଇଁ କଂଗ୍ରେସ ପ୍ରାର୍ଥୀ ଘୋଷଣା କରିନାହିଁ । ହେଲେ ଆସନ୍ତାକାଲି ନାମାଙ୍କନର ଶେଷ ତାରିଖ ଥିବାରୁ ଆଜି ସନ୍ଧ୍ୟା ସୁଦ୍ଧା କଂଗ୍ରେସ ଏହି ଦୁଇ ଆସନ ପାଇଁ ପ୍ରାର୍ଥୀ ଘୋଷଣା କରିପାରେ ।