ବିଜେପିର ନିର୍ବାଚନୀ ପ୍ରଚାର ଦେଖିବାକୁ ଆସିବେ ବିଦେଶୀ ନେତା । ଜାଣନ୍ତୁ କେଉଁ କେଉଁ ଦେଶର ନେତାଙ୍କୁ ନିମନ୍ତ୍ରଣ କରିଛି ବିଜେପି
କନକ ବ୍ୟୁରୋ : ଭାରତୀୟ ଜନତା ପାର୍ଟି ତରଫରୁ ବୁଧବାର ଦିନ ଏକ ବୟାନ ଜାରି କରି କୁହାଯାଇଛି କି, ୧୦ ଟି ଦେଶର ୧୮ ଟି ରାଜନୈତିକ ଦଳର ନେତା ବିଜେପିର ନିମନ୍ତ୍ରଣରେ ଭାରତର ନିର୍ବାଚନୀ ପ୍ରଚାର ଦେଖିବାକୁ ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଜନତା ପାର୍ଟିର ବିଦେଶନୀତି ବିଭାଗର ଇନଚାର୍ଜ ବିଜୟ ଚୌଟିୟାବାଲିଙ୍କ ଦ୍ୱାରା ଜାରି କରାଯାଇଥିବା ବୟାନ ମୁତାବକ ୧୦ଟି ଦେଶର ୧୮ ଟି ରାଜନୈତିକ ଦଳର ପ୍ରତିନିଧୀ ଭାରତରେ ପହଂଚିବା ପରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଭେଟିବେ । ଏହା ବ୍ୟତୀତ ସମସ୍ତ ବଦେଶୀ ପ୍ରତିନିଧୀ ବିଦେଶମନ୍ତ୍ରୀ ଏସ୍ ଜୟଶଂକର ଓ ରେଳ ମନ୍ତ୍ରୀ ଅଶ୍ୱନୀ ବୈଷ୍ଣବଙ୍କ ସହ ମଧ୍ୟ ଭେଟ କରିବେ । ଭାରତକୁ ଆସୁଥିବା ସମସ୍ତ ପ୍ରତିନିଧୀମଣ୍ଡଳକୁ ପୁରା ନିର୍ବାଚନୀ ପ୍ରକ୍ରିୟା ସହ ବିଜେପିର ନିର୍ବାଚନ ଅଭିଯାନ ଓ ରଣନୀତି ବାବଦରେ ସୂଚନା ଦିଆଯିବ ।
ଏବେ ଜାଣିବା କେଉଁ ଦେଶରୁ କେଉଁ ପାର୍ଟିର ନେତା ଭାରତ ଆସୁଛନ୍ତି —
ଅଷ୍ଟ୍ରେଲିଆ – ଲିବରାଲ ପାର୍ଟି
ଭିଏତନାମ – କମ୍ୟୁନିଷ୍ଟ ପାର୍ଟି ଅଫ୍ ଭିଏତନାମ
ବାଂଲାଦେଶ – ବାଂଲାଦେଶ ଆୱାମୀ ଲିଗ୍
ୟୁଗାଣ୍ଡା – ନ୍ୟାସନାଲ ରେଜିଷ୍ଟାନ୍ସ ମୁଭମେଣ୍ଟ
ତାଞ୍ଜାନିଆ – ଚାମା ଚା ମାପିନ୍ଦୁଜି
ଋଷ- ୟୁନାଇଟେଡ ଏସିଆ ପାର୍ଟି
ଶ୍ରୀଲଙ୍କା – ଶ୍ରୀଲଙ୍କା ପୋଦୁଜାନା ପେରାମୁନା ଓ ୟୁନାଇଟେଡ ନ୍ୟାସନାଲ ପାର୍ଟି
ମରିଶସ୍ – ମିଲିଟାଣ୍ଟ ସୋସିଆଲିଷ୍ଟ ମୁଭମେଣ୍ଟ, ମରିଶସ ଲେବର ପାର୍ଟି, ମରିଶସ୍ ମିଲିଟାଣ୍ଟ ମୁଭମେଣ୍ଟ, ପାର୍ଟି ମରିଶସ ସୋଶାଲ ଡେମୋକ୍ରେଟ
ନେପାଳ – ନେପାଳୀ କଂଗ୍ରେସ, ଜନମତ ପାର୍ଟି, କମ୍ୟୁନିଷ୍ଟ ପାର୍ଟି ଅଫ୍ ନେପାଳ, ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି
ସେପଟେ ଆମେରିକାର କୌଣସି ରାଜନୈତିକ ଦଳକୁ ନିମନ୍ତ୍ରଣ ମିଳିନାହିଁ । ଏହାକୁ ନେଇ ଜଣେ ବିଜେପି ନେତା ଏକ ଇଂରାଜୀ ଖବର କାଗଜକୁ କହିଛନ୍ତି କି, ଆମେରିକାର ରାଜନୈତିକଦଳମାନେ ରାଷ୍ଟ୍ରପତି ନିର୍ବାଚନକୁ ନେଇ ବ୍ୟସ୍ତ ରହିଛନ୍ତି । ଏହାସହ ଆମେରିକାର ରାଜନୈତିକ ଦଳଗୁଡିକର ଷ୍ଟ୍ରକଚର ଭାରତ କିମ୍ବା ୟୁରୋପର ରାଜନୈତିକ ପାର୍ଟିଗୁଡିକର ଷ୍ଟ୍ରକଚର ଭଳି ନୁହେଁ । ତେଣୁ ଆମେରିକାର ରାଜନୈତିକ ପାର୍ଟିଗୁଡିକୁ ନିମନ୍ତ୍ରଣ କରାଯାଇନାହିଁ ।