ପୁଣି ବାର ଭିତରେ ଫୁଟିଲା ଗୁଳି । ୧୪ ମୃତ, ୩ ଗୁରୁତର
କନକ ବ୍ୟୁରୋ : ସାଉଥ ଆଫ୍ରିକା ସୋବେଟେ ସିଟିର ଜୋହନସବର୍ଗ ନିକଟରେ ଥିବା ଏକ ବାରରେ କେହିଜଣେ ଅଜ୍ଞାତ ବ୍ୟକ୍ତି ଆଖିବୁଜା ଗୁଳି ଚଳାଇଛି । ଏଥିରେ ୧୪ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ଏଭଳି ଘଟଣା ରବିବାର ୧୨.୩୦ ରେ ଘଟିଥିବା ଏକ ଅନ୍ତର୍ଜାତୀୟ ଗଣମାଧ୍ୟମ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ସ୍ୱେଟା ଟାଉନସିପ ନିକଟରେ ଥିବା ବାରରେ ଲୋକମାନେ ଖାଉଥିବା ବେଳେ କିଛି ଲୋକ ଏକ ମିନିବସରେ ଆସି ଆଖିବୁଜା ଗୁଳି ଚଳାଇଥିଲେ । ଓଲୋଣ୍ଡୋ ପୋଲିସ ଷ୍ଟେସନର କମାଣ୍ଡର ବ୍ରିଗେଡିୟରଙ୍କ କହିବା ମୁତାବକ ଏବେ ପୋଲିସ ସମସ୍ତ ଆହତ ମାନଙ୍କୁ ଚିକିତ୍ସା ପାଇଁ ମେଡିକାଲ ପଠାଇଛି । ମୃତ ଲୋକଙ୍କର ପରିଚୟ ଜାଣିବା ପାଇଁ ପୋଲିସ ଚେଷ୍ଟା କରୁଥିବା ବେଳେ ଘଟଣା ବାବଦରେ ଯାଂଚ ଆରମ୍ଭ କରିଛି ।