କନକ ବ୍ୟୁରୋ : ନୟାଗଡ ବିଜେପିର ବୈଠକରେ ଦେଖିବାକୁ ମିଳିଛି ଲଙ୍କାକାଣ୍ଡ । ନୟାଗଡରେ ବିଜେପିର ଦୁଇ ଗୋଷ୍ଠି ମଧ୍ୟରେ ସଂଘର୍ଷ ହୋଇ ୩ଜଣ ଗୁରୁତର ହୋଇଥିବା ଘଟଣା ସାମ୍ନାକୁ ଆସିଛି । ଆହତ ବିଜେପି କର୍ମୀଙ୍କୁ ଜିଲ୍ଳା ମେଡିକାଲରେ ଭର୍ତ୍ତି କରାଯାଇଛି । ସୂଚନା ମୁତାବକ ମୋଦି ସରକାରଙ୍କ ୪ର୍ଥ ବର୍ଷ ପୂତ୍ତି ଅବସରରେ ନୟାଗଡ ନିର୍ବାଚନ ମଣ୍ଡଳୀର ବିଜେପି କର୍ମୀ ଏକ ବୁଦ୍ଧିଜୀବୀ ସମ୍ମିଳନୀର ଆୟୋଜନ କରିଥିଲେ । ପରେ ସେଠାରେ ଉପସ୍ଥିତ ବିଜେପିର ଦୁଇ ଗୋଷ୍ଠିଙ୍କ ମଧ୍ୟରେ ମାରପିଟ ହୋଇଥିଲା । ଫଳରେ ବିଜେପିର ୩ କର୍ମୀ ଗୁରୁତର ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ସ୍ଥଳରେ ସ୍ଥାନୀୟ ପୋଲିସ ପହଁଚି କେଉଁ କାରଣରୁ ଏଭଳି ଗୋଷ୍ଠି ସଂଘର୍ଷ ଘଟିଲା ତାହାର ତଦନ୍ତ କରୁଛି । ଏପରିକି ବିଜେପି କଳିକୁ ସମାଧାନ କରିବା ପାଇଁ ରାଜ୍ୟ ବିଜେପିର ଦୁଇ ବରିଷ୍ଠ ନେତା , ବିଜେପି ବିଧାୟକ ଦଳ ନେତା କେ.ଭି. ସିଂଦେଓ ଓ ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନଙ୍କ ଘଟଣା ସ୍ଥଳରେ ପହଁଚି ସ୍ଥିତି ଅନୁଧ୍ୟାନ କରୁଛନ୍ତି । ସୂଚନା ଅନୁଯାୟୀ କିଛିଦିନ ତଳେ ନୟାଗଡ ଜିଲ୍ଲା କଂଗ୍ରେସ ସଭାପତି ପଦ ଛାଡି ବିଜେପିରେ ଯୋଗଦେଇଥିବା ଲାଲା ମନୋଜ ରୟଙ୍କ ପତ୍ନୀ ଇରାନୀ ରାୟ ନୟାଗଡର ଏକ ହୋଟେଲରେ ବୁଦ୍ଧିଜୀବି ସମ୍ମିଳନୀ କରୁଥିଲେ । ତେବେ ମଂଚରେ ଇରାନୀଙ୍କ ଫଟୋ ଲଗାଯିବାକୁ ପରାଜିତ ବିଧାୟକ ପ୍ରାର୍ଥୀଙ୍କ ଗୋଷ୍ଠି ବିରୋଧ କରିଥିଲେ । ଯାହାକୁ ନେଇ ଆରମ୍ଭ ହୋଇଥିଲା ଖଣ୍ଡ ଯୁଦ୍ଧ । ଯେଉଁ ହେଟେଲରେ ବୁଦ୍ଧିଜୀବୀ ସମ୍ମିଳନୀ ଡକାଯାଇଥିଲା, ସେହି ହେଟେଲ ପାଲଟିଥିଲା ବିଜେପିର ଯୁଦ୍ଧକ୍ଷେତ୍ର ।